Олмазорда Nexia-3 автоҳалокатга учраб натижада 23 ёшли ҳайдовчи вафот этди

ИИББнинг хабар беришича, автоҳалокат 5 октябрдан 6 октябрга ўтар кечаси, тахминан соат 01:40 атрофида Фаробий кўчасида содир бўлган.

Унда 23 ёшли Мираюб М. Nexia-3 русумли автомашинани ишончнома асосида бошқариб, кўча ёритгичининг металл устуни билан тўқнашди.

Йўл-транспорт ҳодисаси натижасида ҳайдовчи ўта оғир тан жароҳатларини олганлиги сабабли воқеа жойида вафот этди.

Автоҳалокатнинг сабаби ҳайдовчи тезликни сезиларли даражада ошириш натижасида транспорт воситаси бошқарувини йўқотганлиги тахмин қилинмоқда.