Кобулда аёллар қизларнинг мактабга боришини талаб қилиб намойишга чиқишди

Кобулда 20 га яқин аёлдан иборат гуруҳ мактабларни қизлар учун очишни талаб қилиб, намойишга чиқди.

Ўтган йилнинг август ойида Афғонистонда Толибон ҳокимият тепасига келиши туфайли мамлакатнинг аксарият ҳудудларида қизларнинг олтинчи синфдан кейин мактабга бориши тақиқланган эди.

26-май куни Кобулдаги Марям ўрта мактаби олдига аёллар йиғилишди.

“Сизлар бизнинг нонимизни, ишимизни тортиб олдинглар. Ўқишимиз ҳам мумкин эмас”, деб бақирдилар. Айрим гувоҳларнинг айтишича, Толибон ҳавога ўқ узган ва намойишчиларни тарқатиб юборган.

Толибон Ички ишлар вазирлиги матбуот котиби Азир Аҳмад Тақир намойишнинг куч билан тарқатилгани ҳақидаги хабарларни рад этди.

Ўтган йилнинг 18-сентабрида Афғонистоннинг мактабларида ўқиш қайта тикланганига қарамай, ўсмир қизлар ва аёл ўқитувчиларни мактабга киришига рухсат берилмаган. Толибон фақат ўғил болалар ва эркак ўқитувчиларнинг мактабга қайтишига рухсат берган.

Ўтган йилнинг август ойида Кобулда ҳукуматни ағдарган Толибон аёллар ҳуқуқлари шариат қонунларига мувофиқ ҳурмат қилинишини эълон қилган эди. Аслида, эса бундай бўлмади.

Бўлишинг:

Муҳаррир танлови

Афғонистонда аёл журналистлар эфирга юзларини ёпиб чиқмоқда

Янгиликлар ва бошқа дастурларда суҳандонлик қилаётган аёллар 22-майда «Толибоннинг» буйруғига биноан эфирга юзларини ёпган ҳолатда чиқишди. Шу ойнинг бошида «Толибон» ...

Толибон «tiktok» ва pubg ўйинини тақиқлади

Афғонистондаги Толибон ҳукумати TikTok ижтимоий тармоғи ва PUBG онлайн ўйинини тақиқлади. Бу ҳақда ҳукумат матбуот котиби Иномуллоҳ Самангоний Твиттер саҳифасида ёзди. Унинг ...

Афғонистон ҳудудидан тожикистонга ракета отилгани айтилмоқда

7-май куни “Исломий давлат” экстремистик гуруҳи Афғонистондан Тожикистонга ракетадан ҳужумини уюштирганини айрим афғон нашрлари ёзмоқда. Бу маълумот Тожикистон ва Толибон ...