Ўзбек мулозими пахта майдонларини қисқартиришга қарши чиқди

“Ўзпахтасаноатэкспорт” холдинг компанияси раиси Акмал Камолов ўтган чорак асрда пахта майдонлари қарийб ярмига қисқаргани, ҳозирда мавжуд пахта ҳосили ҳажмини сақлаб қолишнинг муҳимлигини айтган. 

Маълумот bbc.com сайтидан олинди.

Бу ҳақда у душанба куни Тошкентда очилган XIII Халқаро пахта ва тўқимачилик саноати ярмаркасининг очилишидаги нутқида гапирган.

Podrobno.uz нашрининг Камоловдан иқтибос келтиришича, ҳозирда етиштирилаётган 1,2 миллион гектар майдондаги пахта ҳосили мамлакат тўқимачилик саноати учун муҳим.

“Ўзпахтасаноатэкспорт” раҳбари пахта йиғим-теримини механизациялаштириш устувор вазифа бўлиб қолаётгани ва машинада териб олинган пахта ҳажми ортаётганини айтган, аммо ҳеч қандай рақам келтирмаган.

Пахта майдонларининг қисқариши, унга кўра, қишлоқ хўжалигида олиб борилган ислоҳотлар ва иқтисодни диверсификация қилиш уринишларининг натижасидир.

Акмал Камоловнинг айтишича, Ўзбекистон минтақанинг фан-техника, ишлаб чиқариш ва нақлиёт соҳасида, шунингдек, сайёҳлик, молиявий ва маданий марказига айланиш учун етарли салоҳиятга эга.

“Ўзагротехсаноатхолдинг” раиси Нодир Отажонов Ўзбекистон келаётган йилларда пахтани тўла машинада териб олишга ўтишини айтганди.

Бунинг учун ички бозорга ҳар йили 10 минга пахта териш машинаси етказиб берилиши керак.

Ҳозирда мамлакат бўйлаб 1000дан ортиқ машина пахта теришга жалб этилгани айтилади.

Ўзбекистон бу йил ишлаб чиқарган 550 та пахта териш машинасининг 50 тасини Туркманистонга сотган.

Айни пайтда мажбурий меҳнатга чек қўйиш ҳақидаги расмий баёнотларга қарамасдан, жойларда ўқитувчи, талаба ва шифокорларнинг пахта теришга мажбурланаётгани ҳақида хабарлар келишда давом этмоқда.

Бўлишинг:

Муҳаррир танлови

Ямоқ костюм-шим кийса ҳам, миллат келажагини ўйлаб, ёниб ишлайдиган мактаб директорлари ҳозир ҳам борми?

...Университетда ўқиб юрган кезларимда бўлган воқеа Ўқишдан келсам, онам: "Мўғул қишлоғидаги мактаб директори уйимизга келди. Мактабда рус тили ўқитувчиси йўқ экан, илтимос ...

Шавкат мирзиёевнинг душанбега ташрифи кутилмоқда

6 январь куни Тошкент вилояти халқ депутатлари кенгаши сессиясида нутқ сўзлаган президент Тожикистонга расмий сафар қилиш учун тайёргарлик кўраётганини маълум қилди. Ташриф ...

Сурхондарёда ҳисори зотли қўй бирданига 5 та қўзили бўлди 

Сурхондарё вилоятининг Жарқўрғон туманидаги «Нурли Диёр» маҳалласида ҳисори зотли қўй бирданига 5 та қўзили бўлди. Бу ҳақда «Дарё» нашри маълум қилди. Шахсий хўжалигида ...