Австралиянинг 3 та ҳудудида коала йўқолиб кетиш хавфи остида турган жониворлар рўйхатига киритилди.
Сабаби турли зарарланишлар натижасида сўнгги йилларда уларнинг сони сезиларли даражада камайди. Қурилиш ишлари туфайли яшаш жойлари қисқармоқда. Иқлим ўзгариши ҳам вазиятни янада оғирлаштирди. Мисол учун, 2019-2020 йилларда ҳалокатли ўрмон ёнғинлари натижасида 60 мингдан ортиқ коала нобуд бўлди. Агар қўшимча чоралар кўрилмаса, бу ҳайвонлар 2050 йилга келиб янги Жанубий Уэльс штатида мутлоқ йўқ бўлиб кетиши мумкин.
Сьюзан Ли, Австралия Атроф-муҳитини муҳофаза қилиш вазири:
– Иқлимнинг ўзгариши коалаларнинг камайишига сезиларли таъсир кўрсатди. Иссиқлик ва қурғоқчилик туфайли 2-3 йил аввал содир бўлган ҳалокатли ўрмон ёнғинларидан кейин кўплаб ҳайвонлар нобуд бўлди. Баъзи ҳудудларда коалаларнинг ярми хламидия билан касалланган. Ҳозирда бу борада изланишлар олиб борилмоқда. Ушбу жониворнинг йўқ бўлиб кетишининг олдини олиш учун маблағ ажратилиши кўриб чиқилмоқда.