Тошкент шаҳар ИИББдан маълум қилишларича, ҳодиса оқибатида ҳеч ким жабрланмаган. Бироқ рельсдан чиқиб кетган вагонлар тўсиқларни, шунингдек, темирйўл ёқасидаги уйларнинг ёрдамчи иморатлари деворларини бузиб юборган.
Хабар беришларича, воқеа жойига ИИВнинг Транспортда жамоат хавфсизлигини таъминлаш бошқармаси, ФВВ, Тошкент шаҳар ҳокимлиги ва ИИББ вакиллари етиб борган. Авария-қайта тиклаш ишлари олиб борилмоқда.
«Ҳодиса сабаблари ва зарар миқдори аниқлаштирилмоқда», — дейилади ИИББ ахборотида.
Лондонда автомобил ҳайдовчиси масжид ёнидаги одамлар устига ҳайдади (Фото)
Лондон шаҳри ғарбида мусулмонлар маркази атрофида бир ноъмалум кимса автомобилини одамлар устига ҳайдади. Бу ҳақда The Sun нашри Лондон полициясидаги манбаларга асосланиб хабар бермоқда.
Ҳодиса, 19 сентябрь куни маҳаллий вақт билан соат 00:30 да (Тошкент вақти билан 04:30) Оксгейт-Лейн туманида содир бўлган. Ҳодиса оқибатида икки киши жабрланган. Улар шифохонага ётқизилган. Ҳозирда уларнинг аҳволи яхши экани айтилмоқда.
Прокурор ўринбосари машинада пиёдани уриб юборди. У вафот этди
2018 йил 16 сентябрь куни соат 17:30ларда Жиззах вилояти Арнасой туман прокурорининг ўринбосари Дилшод Каримов отаси Бадриддин Каримовга тегишли «Нексия-1» автомашинасини ишончнома орқали 4Р38 «Жиззах-Учтепа-Навбаҳор» автомобиль йўлининг Пахтакор-Жиззах йўналишининг 16-км.да бошқариб борган. Бу ҳақда Кун.Уз нашри хабар бермоқда.
Фото:znak.com
Бош прокуратура матбуот хизмати хабарига кўра, у йўналиши бўйлаб ўзининг ортидан ҳаракатланиб келган «Daimler Benz 210 СПГ» русумли автомашина ҳайдовчиси Ж. йўлнинг қарама-қарши томонига чиқиб, уни қувиб ўтиб, кескин тормоз берган ҳолатда, уни тўхтатишга ҳаракат қилиб, Д.Каримовни йўлда ҳаракатланишига тўсқинлик қилганлиги сабабли, Д.Каримов бошқарувини йўқотиши натижасида йўлнинг чап томонида жойлашган уйларнинг йўлагига чиқиб кетган ва йўлакда ҳаракатланиб келаётган пиёда Г.Эгамбердиевани уриб юборган.
Фуқаро Г.Эгамбердиева олган тан жароҳатлари натижасида РШТЁИМнинг Жиззах филиалида вафот этган. Судга оид тиббий экспертизасининг бирламчи хулосасига кўра, марҳума Г.Эгамбердиевага етказилган жароҳат оғирлик даражаси бўйича «ҳаёт учун хавфли бўлган» тан жароҳати, деб баҳоланган.
Д.Каримов «бош мия чайқалиши, пешона соҳаси тирналган тан жароҳати ва ўнг елка чиқиши» тан жароҳатлари билан РШТЁИМнинг Жиззах филиали нейрохирургия бўлимига ётқизилган.
Мазкур ҳолат юзасидан вилоят прокуратураси томонидан 16.09.2018 йилда ЖКнинг 266-моддаси 2-қисми билан жиноят иши қўзғатилган.
Жиноят иши бўйича дастлабки тергов ҳаракатлари вилоят прокуратурасининг 18-бўлими томонидан олиб борилмоқда.
Ислом тараққиёт банки уч йилда 1 миллиард 300 минг доллар берадиган бўлди
Ислом тараққиёт банки (ИТБ) 2018−2021 йилларга мўлжалланган стратегик ҳамкорлик шартномаси доирасида Ўзбекистонга 1миллиард 300 миллион доллар маблағ ажратди. Бу борада Тошкентда 18 сентябрда бўлиб ўтган «ИТБ Гуруҳи куни»да маълум қилинди.
Маҳаллий матбуотнинг ёзишича, шартнома Инвестициялар бўйича давлат қўмитаси раиси Сухроб Холмуродов ҳамда Тошкентга ташриф билан келган ИТБ президенти Бандар Ҳажар томонидан имзоланди.
Расмий маълумотда айтилишича, мазкур кредитнинг 475 миллион доллари энергетика, транспорт ва шаҳарларни ривожлантириш, 300 миллион доллари қишлоқларда уйларни қуриш ва инфратузилмани яратиш, 140 миллион доллари ижтимоий ривожлантириш ҳамда 85 миллион доллар мамлакатда хусусий бизнес лойиҳаларини молиялаштиришга сарфланади.
Ўзбекистон Ислом тараққиёт банкига 2003 йилда аъзо бўлган. Банк шу кунгача Ўзбекистондаги 26та лойиҳани амалга ошириш учун 1 миллиард 400 миллион доллар берган.
Эронда автобус аварияга учрагани оқибатида 21 одам ҳалок бўлди
Эрон пойтахти Теҳрондан 200 километр узоқликда жойлашган Кошон ва Нетенз шаҳарлари оралиғидаги йўлда автобус бензин ташийдиган юк машинаси билан тўқнашиб кетгани оқибатида 21 киши ҳалок бўлди, 20дан кўпроқ одам жароҳатланди.
Расмий хабарда айтилишича, воқеа 17 сентябрда содир бўлган. Эрон транспорт полицияси раҳбари муҳаммад Ҳусайн Ҳамидийнинг айтишича, бензин ташувчи автомашина ҳайдовчиси бошқарувни йўқотиб қўйган ва автобусга урилган. Шундан сўнг портлаш юз бериб, ёнғин чиққан.
Мазкур воқеа Ашуро муносабати билан эронликлар зиёратгоҳларга йўлга чиққан бир пайтда содир бўлди.
Эрон жаҳонда йўл хавфсизлиги энг ночор бўлган мамлакатлардан бири экани айтилади. Эрон соғлиқни сақлаш вазирлигининг билдиришича, ўтган йили мамлакатдаги автотўқнашувларда 16 мингдан кўпроқ одам ҳалок бўлган.
Бошқа мавзулар
