Friday 19 October 2018 /
USD 8208.0400EUR 9490.1400
Бошқа мавзулар

Глобал рақобатбардошлик рейтингига Ўзбекистон яна кирмади

Халқаро иқтисодий форум (WEF) 15 октябрда янги рақобатбардошлик индексини эълон қилди. 140 миллат рақобатбардошлигини ўлчаган рейтингга Ўзбекистон яна кирмади, дея ёзмоқда  «Турон 24». нашри.

Ўрта Осиё минтақасидан рейтингга Ўзбекистондан ташқари Туркманистон ҳам киритилмаган. Қозоғистон 59, Қирғизистон 97, Тожикистон 102-ўринни эгаллаган.

Рейтингда биринчи ўринни 2008 йилдан бери илк бор АҚШ эгаллади. Ундан кейинги ўринларга Сингапур ва Германия сазовор бўлди. Кучли ўнликка, шунингдек, Швейцария, Нидерландия, Япония, Ҳонконг, Дания, Швеция ва Буюк Британия кирди.

Индексга кирган 140 давлат ичида охирги ўринни Чад эгаллади. Африканинг Малави, Бурунди, Сьерра-Леоне, Мавритания, Чад сингари давлатлари ва Яман энг охирги ўринларда жойлашган.

Глобал рақобатбардошлик рейтинги 12 кўрсаткич асосида ҳисобланади. Булар макроиқтисодий барқарорлик, истеъмол ва меҳнат бозори, молия тизими, ички бозор ҳажми, институтлар сифати ва инфраструктура аҳволи, IT ва замонавий коммуникациянинг кирганлик даражаси, халқ соғлиғи ва таълими даражаси, бизнес динамикаси ва инновацияга мойиллик кабилардир.

 

Пензада 21 яшар ўзбекистонлик уйнинг 4-қаватидан қулаб ҳалок бўлди

Пензада қурилиш ишлари давомида 4-қаватдан қулаган 21 яшар Ўзбекистон фуқаросининг ўлими ҳолати юзасидан терговга қадар текширув олиб борилмоқда. Бу ҳақда «Дарё» нашри Россия Тергов қўмитасининг вилоят бошқармаси маълумотига асосланиб хабар  бермоқда.

Фото:sonnikpro.com

Ҳодиса 14 октябрь, якшанба куни Пензанинг Циолковский кўчасидаги уйда содир бўлди.

Дастлабки маълумотларга кўра, квартира эгасининг 4 нафар таниши балкон устида ёпқич ўрнатиш ишларини олиб бораётганда ўзбекистонлик тўсиқ билан бирга пастга қулаган.

Олинган тан жароҳатлари оқибатида эркак воқеа жойида ҳаётдан кўз юмди.

 

Мутахассислар огоҳлантиради: кириб келаётган қиш сўнгги 100 йилликдаги энг совуғи бўлади!

Мутахассислар кириб келаётган қишни сўнгги 100 йилликдаги энг совуғи бўлади, дея тахмин қилишмоқда. Бутун дунёда шундай ҳолат кузатилиши кутилмоқда. Европаликлар башоратларга эътибор берган ҳолда аллақачон тайёргарликни бошлаб юборган. Бу ҳақда everyday сайти ёзмоқда.

Мутахасислар ноябрь ойидаёқ бирдан ҳаво совишини ва декабрда янада совуқроқ бўлишини тахмин қилмоқда.

Хаттоки ҳеч қачон қор ёғмаган ҳудудларда ҳам қор ёғиши кутилмоқда. Европа ҳали бундай қишни кўрмаган. Машҳур европалик метеоролог Джеймс Мэдден европаликларга иссиқ кунлардан баҳра олиб қолишларини тавсия қилмоқда.

Россияда оғир аҳволда қолган 71 ватандош Ўзбекистонга қайтарилди

Бандлик ва меҳнат муносабатлари вазирлиги хорижда оғир аҳволда қолган ватандошларни Ўзбекистонга қайтариш бўйича ишларни бошлади. “Газета.уз”нинг хабар беришича, шундай ватандошларнинг дастлабки гуруҳи (жами 71 киши) 12 октябрь куни “Ўзбекистон ҳаво йўллари”нинг икки (16:55 ва 22:35 даги) рейси билан Москвадан Тошкентга етиб келган.

 

Аэропортда уларни қариндошлари, бандлик ва меҳнат муносабатлари вазири Шерзод Кудбиев ва вазирлик ҳузуридаги Ташқи меҳнат миграцияси масалалари бўйича агентик вакиллари кутиб олган.

 

Ўзбекистон ва Россия ўртасида иқтисодий ҳамкорлик бўйича ҳукуматлараро комиссиянинг 5—8 сентябрь кунлари Москвада бўлиб ўтган 19-мажлисида Россия ИИВнинг чет эл фуқароларини вақтинча сақлаш марказларида қолаётган 1500 га яқин Ўзбекистон фуқароларининг ватанга қайтишига кўмак кўрсатиш бўйича келишувга эришилганди.

 

Бундай фуқаролар тоифасига оғир молиявий аҳволда қолган, шахсини тасдиқловчи ҳужжатлари ва яшаш учун маблағи йўқ кишилар киради.

 

Ватандошларни Ўзбекистонга қайтариш Бандлик ва меҳнат муносабатлари вазирлиги ҳузуридаги Хорижда меҳнат фаолиятини амалга оширувчи шахсларни қўллаб-қувватлаш ҳамда уларнинг ҳуқуқ ва манфаатларини ҳимоя қилиш жамғармаси маблағлари ҳисобидан амалга оширилмоқда. Ушбу жамғарма Ўзбекистон Президентининг 5 июлдаги фармони   билан ташкил этилган эди.

Манба: Daryo — LIVE

Россия аэропортида Ўзбекистондан келтирилган сут ва гўшт маҳсулотлари ёқиб юборилди

Воронеж вилояти бўйича Россия ветеринар ва фитосанитар назорат федерал хизмати (Россельхознадзор) бошқармаси «Аэропорт-Воронеж» халқаро ўтказиш пунктида чегара ветеринар назоратини амалга ошириш чоғида Ўзбекистондан келтирилган ва ветеринар илова ҳужжати бўлмаган носаноат ишлаб чиқарилган ҳайвон маҳсулотларини ушлаб қолди, деб ёзамоқда «Дарё» нашри.

Фото:vlg-media.ru

Тошкент—Воронеж рейси давлат инспекторлари томонидан текширилиши чоғида Ўзбекистон фуқаролари олиб кириш тақиқланган сут ва гўшт маҳсулотларини ихтиёрий равишда топширди.

Бундай маҳсулотларни яшириб олиб киришга уринган фуқароларга нисбатан эса ҳайвонлар карантини қоидаларини ёки бошқа ветеринар-санитар қоидаларни бузганлик учун баённома тузилди.

Барча маҳсулотлар аэропорт хизмати томонидан ёқиб юбориш йўли билан йўқ қилинди.

 

Энг кўп ўқилган

Сайт архиви