Бошқа мавзуларУкраина Россия билан тинчлик музокараларини Мариуполда ўтказишни таклиф қилди. Украина делегацияси раҳбари, президент ёрдамчиси Михаил Подолякнинг айтишича, Киев ҳеч қандай шартларсиз музокара ўтказишга рози бўлган.
Делегациянинг яна бир аъзоси Девид Арахамия Телеграм’га ёзишича, улар ҳарбий гарнизонни ва тинч аҳолини чиқариб кетиш учун Мариуполда Россия томони билан учрашишга тайёр.
Бу таклифга Москва ҳозирча жавоб бермади.
20-апрелда Мариупол аҳолисини чиқариб кетиш жараёни муваффақиятсизликка учради. Украина бош вазири ўринбосари Ирина Верешчук воқеа юзасидан Россия томонини айблади.
Чоршанба куни икки томон тинч аҳолини эвакуация қилиш учун гуманитар коридор ташкил этишга келишиб олди.
Украина президенти Владимир Зеленский Мариуполдаги вазият ёмонлашаётганини айтди. Унинг айтишича, қамалда қолган шаҳарда минглаб аскар ва тинч аҳоли бор.
