Туркияда сайлов бошланди

Бугун Туркияда эрта тонгдан президентлик ҳамда 27-мавсум парламент сайловлари бошланди. Бу ҳақда «Анадўлу» ахборот агентлиги хабар бермоқда.

Сайловларда 56 миллион 322 минг 632 нафар сайловчи қатнашиши кутиляпти. Бунинг учун 180 минг 65 та сайлов қутиси шай ҳолга келтирилди.

Туркия миқёсида маҳаллий вақт билан соат 8:00 да бошланган овоз бериш жараёнлари соат 17:00 гача давом этади.

Овоз бериш кабиналарига қўл телефони, фотоаппарат ёки видеокамера билан кириш тақиқланади.

Сайловчи ҳам президентликка номзод, ҳам парламент вакилини ёқлаб овоз берган сайлов бюллетенини битта конвертга солиб, қутига ташлайди.

Бу сайловларда беморлар учун илк марта махсус сайёр қутилар ташкил қилинди. Ана шундай 17258 нафар сайловчи учун 303 та сайлов қутиси тайёрланди.

Дунёнинг 60 та мамлакатида яшаётган ёки ишлаётган 3 миллиондан зиёд Туркия фуқароси шу йилнинг 7–20 июнь кунлари ўз овозларини беришди.

Сайлов муносабати билан бугун, яъни соат 06:00 дан то 24:00 гача мамлакат миқёсида спиртли ичимликлар сотилмайди. Сайлов шартларига мос равишда бугун соат 18:00 дан кейин спиртли ичимликларсиз тўй ўтказиш мумкин.

Радио, телевидение ва барча ОАВда бугун соат 18:00 гача сайлов, сайлов натижалари ҳақида хабарлар, кўрсатувлар бериш тақиқланади.

Манба: xabar.uz

Бўлишинг:

Муҳаррир танлови

Филиппин президенти мусулмон мухторияти тўғрисидаги қонунни имзолади

                                                                 Филиппин президенти Родриго Дутерте. Филиппин президенти Родриго Дутерте 6 август куни пойтахт Манилада ...

Сиэтл аэропортида олиб қочилган учоқ денгизга қулади

АҚШнинг Сиэтл шаҳри Такома халқаро аэропорти ходими самолётда рухсатсиз парвозни амалга оширди. Самолёт бортида йўловчилар бўлмаган. Полициянинг хабарига кўра, самолётни ...

Энг юқори маош берувчи мамлакатлар топ-10 лиги

https://www.youtube.com/watch?v=44hRuIPSfYM&feature=youtu.be