Ўзбекистон қамоқхоналарида тақиқланган нарсалар рўйхатига қўшимча киритилади

Норматив-ҳуқуқий ҳужжатлар лойиҳалари муҳокамаси порталида ички ишлар вазирининг “Ўзбекистон Республикаси Ички ишлар вазирлиги озодликдан маҳрум қилиш туридаги жазони ижро этиш муассасаларининг ички тартиб қоидаларининг 4-иловасига қўшимча киритиш тўғрисида”ги буйруғи лойиҳаси жойлаштирилгани ҳақида ёзмоқда “Кун.уз” нашри.

Фото:excurser.ru

Ўзбекистон Республикаси Ички ишлар вазирлиги озодликдан маҳрум қилиш туридаги жазони ижро этиш муассасаларининг ички тартиб қоидаларининг 4-иловаси – Тақиқланган озиқ-овқат маҳсулотлари, нарса ва буюмларнинг рўйхатига қўшимча киритиши мумкин.

Амалдаги таҳрирга кўра: тақиқланган озиқ-овқат маҳсулотлари, нарса ва буюмларнинг рўйхати – 1. Истеъмол қилиниши иситиш ва пиширишни талаб этадиган, тез бузиладиган озиқ-овқат маҳсулотлари. … 6. Гиёҳвандлик воситалари, психотроп моддалар ва кучли таъсир этувчи препаратлар.

Таклиф этилаётган таҳрирда: 1. Истеъмол қилиниши иситиш ва пиширишни талаб этадиган, тез бузиладиган озиқ-овқат маҳсулотлари. … 6. Гиёҳвандлик воситалари, уларнинг аналоглари, психотроп моддалар ва кучли таъсир этувчи препаратлар.

Маълумот учун тақиқланган озиқ-овқат маҳсулотлари, нарса ва буюмларнинг амалдаги рўйхати қуйидагича:

  1. Истеъмол қилиниши иситиш ва пиширишни талаб этадиган, тез бузиладиган озиқ-овқат маҳсулотлари.
    2. Барча турдаги ўқотар ва совуқ қуроллар, шунингдек ўқ-дорилар.
    3. Пуллар, қимматли қоғозлар, қимматбаҳо тошлар, дурлар ва улардан ясалган буюмлар, соатлар ва бошқа қимматликлар.
    4. Оптик асбоблар, кўзойнак бундан мустасно.
    5. Алкоголь маҳсулотлар, шунингдек таркибида спирт бўлган атир ва бошқа маҳсулотлар.
    6. Гиёҳвандлик воситалари, психотроп моддалар ва кучли таъсир этувчи препаратлар.
    7. Барча турдаги фото, аудио ва видеоаппаратуралар, радиоаппаратура, компьютер техникаси, ёзув машинкаси ҳамда нусха кўчириш, алоқа ва техника воситалари, шунингдек уларга тааллуқли қисмлар.
    8. Пичоқлар, қайчилар, устаралар, электрли соқол олиш ускунаси бундан мустасно, шунингдек бошқа барча турдаги санчувчи ва кесувчи ҳамда инсон ҳаёти ва соғлиғи учун хавфли, жиноят қуроли сифатида фойдаланилиши мумкин бўлган ашёлар.
    9. Ўйин картаси.
    10. Порнографик ва диний экстремистик хусусиятга эга бўлган нашрлар, материаллар ва адабиётлар.
    11. Топографик харита ва компас.
    12. Ҳарбий ва бошқа хил форма кийимлари ҳамда уларнинг жиҳозлари, шунингдек фуқаролик кийими ва пойабзали.
    13. Рангли қаламлар, бўёқлар ва нусха кўчирадиган қоғозлар (копирка).
    14. Мусиқа асбоблари.

 

Бўлишинг:

Муҳаррир танлови

Тбилисидаги намойишлар:россиялик депутатнинг грузия парламентидаги чиқиши ўнлаб одамлар жабрланган оммавий норозилик тадбирига айланиб кетди

Тбилисида 20 июнь оқшомида кўп минг кишилик норозилик акцияси бўлиб ўтди, деб хабар бермоқдаMeduza. Парламент олдидаги майдонга 10 мингга яқин одам тўпланди. Улар Грузиянинг ...

Ҳибсдаги ёш тадқиқотчи акром малик енгил тартибдаги муассасага ўтказилди

2016 йилнинг июл ойида ҳибсга олинган ёш тадқиқотчи Акром Маликов берилган қамоқ муддатининг учдан бир қисмини ўтаб бўлганлиги учун енгилроқ тартибдаги манзил-муассасага ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400