Бошқа мавзулар26 декабрь куни Ўзбекистондан Россиянинг Красноярск шаҳрига кетаётган шаҳарлараро автобус Кемерова вилояти йўлида бузилиб қолган. Бу ҳақда «Газета Кемерова»га асосланиб “Хабар.уз” ёзмоқда.
Маълум қилинишича, салонида 48 нафар Ўзбекистон фуқароси бўлган автобус кучли совуқ ҳарорат сабаб ёқилғи музлаб қолишидан бузилган.
Автобус ҳайдовчиси носозликни бартараф этишга уринса-да, бунинг уддасидан чиқмаган. Йўловчилар совуқдан музлаб қолмаслик учун автобуснинг захира балонини ёқиб жон сақлашган.
Шу йўлдан ўтиб кетаётган йўл ҳаракати хавфсизлиги ходимлари совуқда қолган йўловчиларни туман марказидаги вокзалгача элтиб қўйиш учун маҳаллий автобус саройидан транспорт чақирган. Шу тарзда бузилган автобус гаражга етказилган.
