Тимур Ишметов:Ўзбекистон ташқи шокларга кўникиши керак

Ўзбекистон ўз иқтисодиётини очар экан, ташқи шокларга кўникиши керак, чунки ҳамкор мамлакатлардаги вазият ҳар доим ҳам ижобий бўлавермаслиги мумкин, деди Марказий банк раисининг биринчи ўринбосари Тимур Ишметов «Газета.uz” нашрига берган интервьюсида.

Тимур Ишметов

Аввалроқ МБ ўз ҳисоботида Ўзбекистоннинг макроиқтисодий ҳолати учун Россия ва бошқа асосий ҳамкор давлатлардаги иқтисодий вазиятнинг ёмонлашишини асосий хавфлардан бири сифатида келтириб ўтган эди. 12 февраль куни АҚШ қонунчилар гуруҳи Россияга нисбатан янги санкциялар пакетини жорий этиш таклиф қилинган қонун лойиҳасини тақдим этди.

«Биз ўз иқтисодиётини янада кенгроқ очаётган мамлакат сифатида ташқи шокларга кўникишимиз керак, чунки ҳамкор мамлакатларда ҳар доим ҳам барчаси яхши бўлавермайди. Ҳар доим барчаси бизга боғлиқ бўлавермайди. Биз экспортга йўналтирилган мамлакатмиз. Экспорт — иқтисодиётимизнинг ўсишини таъминловчи асосий таркибий қисмлардан бири, шунинг учун ҳар қандай ҳолатда ҳам савдо шерикларимиздаги иқтисодий вазият, албатта таъсир кўрсатади. Экспорт ҳажмини ошириш учун харидор мамлакатларда иқтисодий вазият яхши бўлиши керак. Бундан қочиб бўлмайди», — деди Тимур Ишметов.

Марказий банк раисининг биринчи ўринбосари Россия анчадан буён санкциялар босими остида бўлса ҳам Ўзбекистон иқтисодий ўсишда давом этганини таъкидлаб ўтди. «Гап фақат Россияда эмас, бошқа мамлакатлар ҳам бор», — деди у.

Ўзбекистоннинг асосий савдо шерикларига нисбатан жорий этилган санкцияларнинг салбий таъсирини камайтириш учун тегишли макроиқтисодий сиёсат олиб бориш ва ислоҳотларга урғу қаратиш лозим, деб ҳисоблайди Марказий банк мутасаддиси.

«Шунинг учун ҳам мамлакат иқтисодиёти, экспорт бозорларини диверсификация қилиш, инвестициялар жалб қилиш, эҳтимолий салбий шоклар таъсирини камайтириш учун ислоҳотлар олиб борилмоқда. Ушбу ислоҳотларнинг [мамлакат иқтисодиётига] таъсири ҳар қандай савдо шеригимиздаги иқтисодий вазиятдан кенгроқ, [унинг ўзгариши] ҳам ижобий, ҳам салбий томонга. Ушбу санкцияларни дастаклаб олмаслик керак, яхшиси ҳамма ўз иши билан машғул бўлсин», — деди Тимур Ишметов.

 

Бўлишинг:

Муҳаррир танлови

Ўзбекистондаги болалар боғчаларида қўшимча пуллик хизматлар йўлга қўйилади

Давлат мактабгача таълим муассасаларида қўшимча пуллик таълим-тарбия хизматлари кўрсатиш фаолиятини ташкил этиш тартиби тўғрисидаги низом Адлия вазирлигида давлат рўйхатидан ...

Харомерлар

Кўп эски замонлардан бери Иштихон туманига қарашли “Шайхлар” қишлоғида яшаймиз. Шунга аҳоли кўпайгандан-кўпайиб борган. Бу ҳол ёндан янги иморатлар қурилишига сабаб бўлган. ...

Бухоро вилоятининг ғиждувон туманидаги “зафаробод” қўрғони навоий вилоятининг конимех туманига ўтказилди

Олий Мажлиси Сенатининг ўн олтинчи ялпи мажлисида Бухоро вилоятининг Ғиждувон тумани ва Навоий вилоятининг Конимех тумани чегараларини ўзгартириш тўғрисидаги масалани кўриб ...