Ўзбекистонда ўтган ойда мева-сабзавот маҳсулотларининг нархлари 4,0%га қимматлашган

2018 йилнинг февраль ойида мамлакат истеъмол бозоридаги товарлар ва хизматлар нархи ўртача 1,6%га ошди. Бу ҳақда Давлат статистика қўмитаси хабарига таяниб “Халқ сўзи” нашри ёзмоқда.

Ой давомида маҳсулотлар нархи 1,8%га, жумладан, озиқ-овқат маҳсулотлари 2,0%, ноозиқ-овқат маҳсулотлари 1,5%га ошди. Хизматлар нархи эса 0,8%га қимматлашди.

Асосий турдаги озиқ-овқат маҳсулотлари нархларнинг ўсиши борасидаги етакчилик мева-сабзавот маҳсулотларига тегишли бўлиб, ой давомида нархлар ўртача 4,0%га қимматлашган

Нархларнинг қимматлашиши бўйича иккинчи ўринни умумий овқатланиш муассасалари банд этган. Ўтган икки ой давомида нархлар кетма-кет 3,0%дан юқори даражада ошиб борган (январда 3,4%, февралда 3,3%).

2019 йилнинг февраль ойида нархларнинг ўсиши борасидаги етакчи учликнинг сўнгги поғонасини сут маҳсулотлари эгаллаган бўлиб, ой давомида нархлар ўртача 3,2%га қимматлашган.

Гўшт маҳсулотлари орасида колбаса ва дудланган гўшт нархлари сезиларли даражада қимматлашган бўлса, парранда гўшти маҳсулотлари эса аксинча, бироз арзонлашган.

Шакар, чой, қандолат ва бошқа озиқ-овқат маҳсулотлари нархлари ой давомида ўртача 1,7%га кўтарилди.

Нон маҳсулотлари гуруҳидан ёрма ва дуккакли, макарон маҳсулотлари нархлари ой давомида 2,4%, мош 2,3%, гуруч 1,9%, тандир нон 0,5%, буғдой уни 0,4%га қимматлашган.

Тухум нархларининг арзонлашганлиги мамлакатнинг бешта ҳудудида қайд этилган (Қорақалпоғистон Республикаси, Жиззах, Навоий, Самарқанд ва Фарғона вилоятлари). Республика бўйича нархлар ўртача 0,2%га арзонлашган.

Ноозиқ-овқат маҳсулотлари гуруҳи орасида алоқа воситалари (9,5%), маданий моллар (5,9%), асосий турдаги маиший товарлар ва электр ускуналар (5,8%), ювиш ва тозалаш воситалари (5,7%), автомобиллар учун эҳтиёт қисмлар (2,9%), ошхона жиҳозлари (2,2%), маиший тўқимачилик маҳсулотлари (2,1%), кийим-кечаклар (1,4%) ва оёқ кийим (1,0%) нархларининг қимматлашганлиги қайд этилган

Ой давомида автомобиллар учун ёқилғи нархлари ўрта ҳисобда 0,1%га арзонлашди. Бензин ва метан нархларнинг барқарор сақланиши баробарида пропан нархлари 1,0%га арзонлашди.

Ой давомида йўловчи ташиш транспорти хизматлари нархлари ўртача 0,2%га ошган.

2019 йилнинг январь-февраль ойлари давомида дам олиш хизматлари (6,1%), 2018 йилнинг февраль ойига нисбатан эса уй-жой коммунал соҳаси хизматлари (24,9%) нархлари сезиларли даражада қимматлашган.

 

Бўлишинг:

Муҳаррир танлови

Чироқчига хос эртак ёхуд бир хонали таълим маскани

Чироқчи — нафақат Қашқадарё вилояти, балки мамлакатимиздаги катта ҳудудга эга туман. «Чорвадор» маҳалла фуқаролар йиғинига қарашли Оғзикенг қишлоғи ҳам кенг ҳудудни ...

Тойлоқда икки бола сувга чўкиб кетди

Самарқанд вилояти Тойлоқ туманидаги 1-умумий ўрта таълим мактабининг жисмоний тарбия фани ўқитувчиси Норқўзи Норбоевнинг бир вақтни ўзида икки фарзанди сувда чўкиб ўлди. Бу ...

Бутун аҳолиси “фақир” бўлган биздан бошқа давлат йўқ

Бир гуруҳ зиёлилар "фуқаро" сўзидан воз кечишни таклиф қилмоқда  Мустақиллик шарофати билан Ўзбекистон халқаро муносабатларнинг тенг ҳуқуқли аъзоси бўлди, кўплаб давлатлар ...