Навоий вилоятининг Навбаҳор туманида “Сафари-парк” ташкил этилмоқда, деб ёзади «Халқ сўзи Онлайн».
“Страус фарм Навбаҳор” масъулияти чекланган жамияти томонидан амалга оширилаётган мазкур лойиҳа учун туман ҳокимлиги тадбиркорга 59 гектар ер майдони ажратди. Мазкур паркка Африка туяқушидан ташқари, яшаш шароити ҳудуд иқлимига мос зебра, кенгуру каби ҳайвонлар ҳам келтирилади. Лойиҳани 2020 йил бошларида фойдаланишга топшириш мўлжалланмоқда.