Буйраги трансплантация қилинган хоразмлик 28 ёшли бемор Олтиной Маҳмудовага таҳдидли қўнғироқ бўлганини айтмоқда

Буйраги трансплантация қилинган хоразмлик 28 ёшли бемор Олтиной Маҳмудова давлат томонидан бериладиган бепул дори — «Алласепт» ичганидан сўнг аҳволи оғирлашгани, иложсизликдан таниш-билишлар орқали «Майсепт» сотиб олишга мажбур бўлгани ҳақида хабар берилган эди. «Togri.uz» томонидан хабар берилишича, ушбу хабар тарқалгач, Олтинойга Тошкентдан қўнғироқ бўлган, унга жуда қўпол муомала қилинган.

«Сен ўзинг уларга хабар бердингми ёки улар монтаж қилиб шунақа хабар чиқаришдими?», — деб сўрашди. Мен ўзим айтдим, улар ёзишди дедим. «6 ойдан бери ичаётган дорингдан энди касал бўлиб қолдингми?», — деб айтишди

Олтиной Маҳмудова

«Togri.uz»нинг ёзишча, ушбу масала юзасидан Ўзбекистон Соғлиқни сақлаш вазирлиги матбуот котиби Фурқат Санаев Олтинойнинг ҳолидан хабар олиш учун у билан гаплашгани, қўпол муомалада бўлмаганини айтган.

Буйраги кўчириб ўтказилган беморларга берилаётган дориларга яна қайси давлатларда рухсат берилгани, қайси фирмалар бу дориларни Ўзбекистонга келтираётгани, тендер комиссияси ҳақидаги саволларига вазирлик матбуот котиби жавоб бермаган, у ўзининг мутахассис эмаслиги, булардан бехабарлигини айтган.

Фурқат Санаевнинг айтишича, беморлар ҳаммаси рози, дори сабабли бирор беморнинг аҳволи оғирлашмаган. Тендерда ютқазган рақобатчи фирмалар беморлар ҳақида бўрттирилган хабарлар тарқатмоқда.

Соғлиқни сақлаш вазирлиги эса ҳозирда берилаётган дорилар — «Алласепт» ва «Ролиграф»нинг таркиби аввал бериб келинган «Майсепт», «Програф» ва «Панграф» билан бир хиллигини таъкидламоқда.

Бўлишинг:

Муҳаррир танлови

Таҳририят журналистининг маоши нимага ҳам етсин?

Бугунги кунда интернет сайтларида турли соҳаларда фаолият кўрсатаётган ходимларнинг ойлик маоши камлиги ва бу оиласини боқишга етмаётганлиги ҳақида аниқ фактларга таянган ...

Бухоролик фуқаро 9.200.000 сўм алимент пулини тўлагач, қамоқдан озод қилинди

Бир неча йилдан буён фарзанди учун алимент пули тўлашдан қасддан бўйин товлаб келган Бухоро туманида истиқомат қилувчи  фуқаро Қаюм Ҳайитов 9.200.000 сўмни тўлагач, ўзига ...

Уйи бўлса — пропискаси йўқ, пропискаси бўлса — уйи йўқ…

Юртимизда кўпгина соҳа ходимларининг ижтимоий муҳофазаси йўлида хайрли ишлар амалга оширилмоқда. Яшаш шароити яхшиланган, кўнгли тўқ ҳар қандай мутахассис жамиятга кўпроқ ...