Тўрт лидер Украинанинг Европа Иттифоқига қўшилишини қўллаб-қувватлашини билдирди

16-июнь куни Киевга келган Франция президенти Эммануэл Макрон, Германия канцлери Олаф Шольц ва Италия бош вазири Марио Драги Украина президенти Владимир Зеленский билан учрашди. Учрашувда Киевга ўзи етиб келган Руминия президенти Клаус Йоханнис ҳам иштирок этди.

Йиғилишдан сўнг эълон қилинган қўшма баёнотда Европа етакчилари Украинага Европа Иттифоқига аъзоликка номзод давлат мақомини бериш ғоясини қўллаб-қувватладилар.

«Биз тўрттовимиз ҳам Европа Иттифоқига аъзоликнинг зудлик билан берилишини қўллаб-қувватлаймиз», деди Макрон ва Франция Украинага қурол етказиб беришни кўпайтиришини қўшимча қилди.

Драги Италия Украинани Европа Иттифоқининг бир қисми сифатида кўрмоқчилигини айтди. У матбуот анжуманида Украинадаги ҳарбий жиноятлар бўйича терговни тўлиқ қўллаб-қувватлашини билдирди.

Германия канцлери Олаф Шольц Берлин Украинани зурурат бўлганда қўллаб-қувватлаши ҳақида гапирди. У шу кунгача Германия 800 мингга яқин украиналик қочқинни қабул қилганини, Украинага молиявий ва ҳарбий ёрдам кўрсатаётганини маълум қилди.

Европа лидерлари Киевга келаётиб рус ҳарбий кучлари томонидан вайрон қилинган Ирпень шаҳрида бўлиб, унинг аҳволидан хабар олишди.

Франция, Германия ва Италия Европа Иттифоқидаги энг кучли иқтисодиётга эга давлатлардир. Руминия ҳам иттифоққа аъзо мамлакатдир.

Бўлишинг:

Муҳаррир танлови

Россияда георгий лентаси билан боғлиқ катта можаро юз берди

Россиянинг Нижний Новгород шаҳрида Георгий лентаси билан боғлиқ катта можаро юз берди ва бунинг ортидан бутун мамлакат Георгий лентасини муҳокама қилаяпти. Бу ҳақда ...

Буюк британия украина учун яна 1,2 миллиард доллар ажратишини маълум қилди

Буюк Британия Украина Қуролли кучларини қўллаб-қувватлаш учун яна 1,2 миллиард доллар ажратилишини эълон қилди. Бу маблағлар Украина армиясининг мудофаа қобилиятини ...

Абрамович бошчилигидаги россиялик олигархларга нисбатан санкциялар жорий этилди

Британия “Челси” футбол клубининг хўжайини Роман Абрамовичга, олигарх Олег Дерипасга ва бир қатор таниқли россиялик ишбилармонлар ва давлат компаниялари раҳбарларига нисбатан ...