Тошкентдаги масжид имоми мансабдорларга ер ва дўкон ажратишни сўраб чиқди

Ижтимоий тармоқларда зиддиятли чиқишлари билан танилган тошкентлик имом Шермурод Тоғай мансабдор шахсларга “махсус дўкон, тижорат олиб борадиган жойлар” ажратишни таклиф қилди. Шермурод Тоғай Озодлик билан суҳбатда дунёвий ва диний амалдорларнинг моддий жиҳатдан яхши таъминланиши порахўрлик ва давлат мулки ўмарилишининг олдини олиши мумкинлигини айтди.

 

 

Тошкентдаги “Тинчлик” жомеъ масжиди имом-хатиби Шермурод Тоғайнинг 11 декабрь куни Facebook саҳифасига қўйган навбатдаги таклифи яна баҳс уйғотмай қолмади.

Мансабдор шахслар пора олмасликлари, давлат мулкларини ўмармасликлари учун уларга махсус дўкон, тижорат ишларини олиб борадиган жойлар ажратилиши керак. Улар бола-чақамни қандай боқар эканман, деган ташвишдан мутлақо холи бўлишлари керак. Уларга одамлар ҳавас қилишлари ва албатта катта эҳтиром кўрсатишлари шарт,” деб ёзди ижтимоий тармоқлардаги фаоллиги билан танилган имом.

Озодлик билан суҳбатда Шермурод Тоғай амалдорларни моддий жиҳатдан таъминлаш заруратини қуйидагича изоҳлади:

– Совет даври бизга етиб келгунга қадар бизда вақф ерлари бўлар эди. Саройда ва бошқа жойларда ишлайдиганларга махсус ажратилган ерлар бўлган. Айниқса, ҳозир мен ишлаётганДўмбрабодмавзесида айнан худди шунақа шоҳ саройининг котибиятига ажратилган ерлар бўлган. “Қозировотэса қозиларга ва бошқаларга ажратилган вақф ерлари бўлган. Вақф ерларини беришдан кўзланган мақсадўша инсонлар давлат мулкига тажовуз қилмасин, қўлларини порага очмасин. Энди, албатта, инсон бор – нафс бор, деди Шермурод Тоғай.

Бўлишинг:

Муҳаррир танлови

Саратовда ўзбекистон фуқароси сурияга жўнаб кетиш учун жангариларни ёллаган

Россиянинг Саратов вилоятида Ўзбекистон фуқароси Суриядаги жангарилар сафига бориб қўшилиш ниятида бўлгани учун қўлга олинди. Бу ҳақда РФ Федерал хавфсизлик хизматининг ...

Сунъий уруғлантиришнинг ҳукми қандай? диний идора фатво эълон қилди

  Сунъий уруғлантириш тўғрисида кўплаб мурожаатлар бўлаётганини инобатга олиб, Ўзбекистон мусулмонлари идораси томонидан махсус фатво ишлаб чиқилди. Мақола darakchi.uz ...

Зулм дарахтининг баргига эмас илдизига болта уриш керак

Сўнги бир неча кун ичида ижтимоий тармоқда фаол бўлган диний фаолларнинг ҳибсга олиниши баъзи мулоҳазаларни билдиришга мажбур қилди. Иккита масалани гапирмоқчиман.  ...