18 декабрдан 20 декабргача Қирғизистонда МДҲ мамлакатларининг «Умут» V ёшлар киноси форуми бўлиб ўтади. Бу ҳақда ушбу тадбирнинг ташкилотчиси бўлган ҚР Маданият, ахборот ва туризм вазирлиги қошидаги кинематография департаментида хабар қилишди.
Жорий йилда фестиваль Қирғизистондаги Ахлоқийлик, тарбия ва маданият йилига бағишланади.
Форумнинг дастури учта танлов дастуридан иборат бўлади: миллий ва халқаро конкурслар, шунингдек, фестивалга биринчи марта киритилган анимацион фильмлар конкурси. Танлов фильмларинининг барча намойишлари Бишкекдаги Ч. Айтматов номидаги кино уйида бўлиб ўтади.
Форум ҳайъатига Қирғизистон, Қозоғистон ва Россиядаги таниқли киноарбоблар кирган бўлиб, улар учта танлов дастурига мос таркибда ишлашади. Форум доирасида ҚР ёш режиссёрлари томонидан Ахлоқийлик, тарбия ва маданият йили шарафига бағишлаб яратилган ижтимоий роликлар ҳам намойиш қилинади.