Бошқа мавзулар«Ўзбекистон темир йўллари» акциядорлик жамияти 2019 йилнинг 1 мартидан бошлаб «Афросиёб» тезюрар поездларидан ташқари барча маҳаллий йўналишларда қатновчи йўловчи поездлар чипталарининг нархи 20% га ошишини маълум қилди, деб ёзади “Хабар.уз” сайти.
«Бу ўз навбатида ҳар куни сарфланиб келинаётган электр энергия, хом ашёлар, ҳаракатланиш давомида вужудга келадиган барча ҳаражатларни қоплаш ва поездда хизмат кўрсатувчи барча ходимларга муносиб иш ҳақини тўлашга замин яратади» дейилади компания хабарида.
Шунингдек, нархларни тартибга солиш орқали поезд йўналишлар сонини кўпайиши ва ижтимоий аҳамиятга эга бўлган йўналишларни доимий равишда таъминланиши билдирилган.
