Марказий банк Раиси ўринбосари Адҳам Рустамович Исломов ўз вазифасидан озод этилган, деб хабар бермоқда Kun.uz нашри.
1976 йил Тошкент шаҳрида туғилган Адҳам Исломов 2018 йил январидан буён Марказий Банк раиси ўринбосари лавозимида ишлаб келаётганди.
У бундан аввал Ўзбекистон Президенти Девони ижтимоий-иқтисодий сиёсатни мувофиқлаштириш хизматининг бош консултанти сифатида фаолият кўрсатган.
Kun.uz нашрининг хабар беришича, Исломовнинг ўрнини шу вақтга қадар «Ўзагросуғурта» раиси лавозимида ишлаб келаётган Саидқаҳҳор Холхўжаев эгаллайди.