Бошқа мавзулар
Норматив-ҳуқуқий ҳужжатлар лойиҳалари муҳокамаси порталида “Ҳукумат тузилмасига кирувчи идоралар ва хўжалик бошқаруви органларини янада ихчамлаштириш ва фаолиятини такомиллаштириш чора-тадбирлари тўғрисида”ги президент қарори лойиҳаси жойлаштирилди, деб ёзади “Кун.уз” сайти.
Ҳукумат тузилмасига кирувчи идоралар ва хўжалик бошқаруви органларини янада ихчамлаштириш ва фаолиятини такомиллаштириш бўйича комплекс чора-тадбирлар дастурига кўра, коммунал хизматларни кўрсатиш тизимини давлат-хусусий шерикчилик шартнома асосида хусусий сектор субъектларига тендер орқали эксперимент тарзда топшириш бўйича пилот лойиҳа амалга оширилади.
Бу борада тегишли норматив-ҳуқуқий ҳужжатлар ишлаб чиқилади ва тасдиқланиши таъминланади.
Бажариш муддати – 2019 йил 1 ноябрь, масъул ижрочилар – Уй-жой коммунал хизмат кўрсатиш вазирлиги, Энергетика вазирлиги, Молия вазирлиги, Давлат активларни бошқариш агентлиги, Қорақалпоғистон Республикаси Вазирлар Кенгаши, Тошкент шаҳри ва вилоятлар ҳокимликлари, тегишли идора ва ташкилотлар.
