Балиқ овидаги қонунбузарликлар учун жазолар кучайтирилади

Сенат ялпи мажлисида  сенаторлар Жиноят кодекси ва Маъмурий жавобгарлик тўғрисидаги кодексга ўзгартиш ва қўшимчалар киритиш масаласини кўриб чиқилди. Бу ҳақда телеграмдаги Zed News канали ёзмоқда.

Қонун билан Жиноят кодексига ва Маъмурий жавобгарлик тўғрисидаги кодексга қуйидаги ҳоллар учун жавобгарликлар кучайтирилади:

 ✅ ҳайвонот ёки ўсимлик дунёсидан фойдаланиш тартибини бузганлик учун жиноий жавобгарлик;

 ✅ ов, балиқ овлаш маҳсулотини, ёввойи ҳолда ўсувчи ўсимликларни йиғиш ва тайёрлаш маҳсулотини қабул қилганлик учун жарималарни ошириш;

 ✅ дарахтлар, буталарни, бошқа ўрмон ўсимликлари ва ниҳолларни ғайриқонуний равишда кесиш, шикастлантириш ёки йўқ қилганлик учун жарималарни ошириш

 ✅ ўрмонларни тиклаш қоидаларини бузганлик, Қизил китобга киритилган ўсимликларни йиғганлик, ўрмон учун фойдали фаунани йўқ қилиб юборганлик, ўрмонларда ёнғин хавфсизлиги талабларини бузганлик учун жарималарни ошириш;

 ✅ ов қилиш ва балиқ овлашда тақиқланган қуролларни ёки воситаларни тайёрлаганлик, олиб кирганлик, сақлаганлик, ташиганлик ёки юборганлик, олганлик ёхуд сотганлик учун ҳам маъмурий жавобгарлик;

 ✅ ҳайвонларни ўзбошимчалик билан бошқа жойга кўчирганлик, иқлимлаштирганлик ёки чатиштирганлик учун маъмурий жавобгарлик;

 ✅ ҳайвонларга нисбатан шафқатсиз муносабатда бўлганлик учун маъмурий жавобгарлик.

 Шунингдек, сохта банкротлик, банкротликни яшириш ва қасддан банкротликка олиб келганлик жиноий ва маъмурий жавобгарликни кучайтиришни назарда тутувчи ўзгартишлар киритилмоқда.

 Қонун сенаторлар томонидан маъқулланган.

 Маълумот учун, ушбу қонун кучга кириши учун президент томонидан имзоланиши керак.