Бошқа мавзуларДепартаментнинг Қарши шаҳар бўлими томонидан ўтказилган терговга қадар текширувда, “Насаф” кўчаси йўл ёқасидаги дарахтларни кесиб ташлаган фуқаролар қўлга олинди. Улар 21 дона дарахтларни кесиб, нобуд қилганликлари натижасида табиатга жами 113,9 млн сўмлик зарар етказди. Бу ҳақда Бош прокуратура хабар қилмоқда.
Фуқаро Д.Б. ва бошқалар 20 дона қарағай ва 1 дона шумтол дарахтларини кесиб, нобуд қилганликлари натижасида табиат ва ўсимлик дунёсига жами 113,9 млн сўмлик зарар етказишган.
Мазкур ҳолат юзасидан фуқаро Д.Б. ва бошқаларга нисбатан Ўзбекистон Республикаси Жиноят кодексининг тегишли моддаси билан жиноят иши қўзғатилиб, тергов ҳаракатлари ўтказилмоқда.
