Бошқа мавзуларБухорода вилоят ҳокими Ўктам Барноев навбатдаги сайёр қабулни Бухоро туманидаги “Боғикалон” маҳалла фуқаролар йиғинида жойлашган “Панжа” гидроузелида ўтказадиган бўлди. Бу ҳақда вилоят ҳокими матбуот хизмати раҳбари Олим Жўраев маълум қилди.
Жорий йилнинг 29 июнида ўтказиладиган ушбу сайёр қабулда вилоятнинг барча туман ва шаҳарлари фуқаролари ўзларини қийнаб келаётган турли масалаларда мурожаат этиш имконига эга. Сайёр қабул давомида аҳоли учун чуқурлаштирилган тиббий кўрик ҳамда бўш иш ўринлари меҳнат ярмаркаси ҳам ташкил этилади.
Шу кунга қадар 11 маротаба туман, шаҳарлар кесимида ўтказилган вилоят ҳокимининг сайёр қабулида 1000 дан ортиқ фуқаролар мурожаатлари тингланиб, 40 фоиздан кўпи ўша жойнинг ўзида бартараф этилган. Қолганлари ўрганиб, назоратга олинган ва босқичма-босқич ечим топиш юзасидан мутасаддиларга кўрсатмалар берилган. Галдаги вилоят ҳокими сайёр қабуллари Бухоро туманидан кейин Вобкент ҳамда Пешкў туманларида бўлиб ўтади.
