Бошқа мавзуларАҚШ президенти Дональд Трампнинг таъкидлашича, ноябрда ўтадиган президент сайловларида коронавирус пандемияси сабабли почта орқали овоз бериш сабабли мағлубиятга учраши мумкин. Трампнинг фикрича, Демократик партия томонидан қўллаб-қувватланаётган бундай усулда овоз бериш қонунни бузиши мумкин.
АҚШ президенти бу ҳақда The Washington Times нашрига берган интервьюсида айтиб ўтди.
“Почта орқали овоз бериш – мағлуб бўлишим мумкин бўлган ягона вариантдир, чунки улар [демократлар] алдашади, талончилик қилишади ва ўғирлашади”, деб айтган Трамп. Унинг таъкидлашича. демократлар баъзи, айниқса республикачилар позициялари кучли бўлган ҳудудларга сайлов бюллетенларини жўнатишмаяпти. АҚШ президентининг айтишича, бундай усулда овоз бериш қонун бузилишларига олиб келиши мумкинлигига ишончи комил.
Трампнинг таъкидлашича, АҚШнинг собиқ вице-президенти, АҚШ президенти лавозимига номзод Жозеф Байден Трампга 2016 йилги президент сайловларида рақиб бўлган АҚШнинг собиқ давлат котиби Хиллари Клинтонга нисбатан кучсиз рақибдир.
“У [Байден] кучсизроқ, бироқ машина [Демократик партия] кучли, чунки улар тушкун ҳолатдалар”, деб айтган Трамп.
77 ёшли Байден бўлғуси сайловларда 74 ёшли Трампнинг асосий рақиби ҳисобланади. Апрель бошида Байден Демократик партиядан ягона номзодга айлангани маълум бўлган.
Аввалроқ Трамп Байденни 40 йиллик сиёсий тажрибага эгалигига қарамай, “кучсиз сиёсатчи” деб атаган. Апрель охирида АҚШ президенти пандемия сабабли сайловларда овоз беришни кўчириш режаси йўқлигини маълум қилган.
Трамп ва Байдендан ташқари, АҚШ президенти сайловларида иштирок этиш истагини сенатор-демократ Тулси Габбард, Калифорниядан сенатор-демократ Камала Харрис, Миннесотадан сенатор-демократ Эми Клобушар, Вашингтон штати губернатори Жон Инсли, собиқ депутат Бето О’Рурк ва Сан-Антонио мэри Жулиан Кастро билдирган.
https://kun.uz/news/2020/06/19/tramp-saylovlarda-maglub-bolishiga-olib-kelishi-mumkin-bolgan-yagona-sababni-aytdi
