Тўқаев: КХШТ қўшинлари икки кундан кейин босқичма-босқич чиқа бошлайди

Президент Қосим-Жўмарт Тўқаев 11-январь куни бўлиб ўтган йиғилишда икки кундан кейин КХШТ контингенти босқичма-босқич мамлакатдан олиб чиқилишини айтди.

“КХШТ тинчликпарвар кучларининг асосий миссияси якунланди. Икки кундан кейин у босқичма-босқич олиб чиқилади. Контингентни олиб чиқиш жараёни ўн кундан ортиқ давом этмайди”, – деди Тўқаев.

5 январь куни мамлакатда вазият кескинлашганида Тўқаев Қозоғистон ҳам бор Коллектив Хавфсизлик Шартномаси Ташкилотидан ёрдам сўраган. Ташкилотга аъзо Россия, Арманистон ва Беларус Қозоғистонга ёрдам бериш учун қўшин жўнатишини билдирган. 6 январь куни кечқурун рус қўшинлари мамлакатга етиб келишган эди. Чет эл қўшинларининг кириб келишига жамоатчиликнинг қаршилиги кучаймоқда.

Расмийлар мамлакатда фавқулодда ҳолат эълон қилди. Интернет жуда ёмон ишламоқда, у тез-тез ўчирилмоқда.