Иқтисодий инқироз авжига чиққан Шри-Ланкада ёқилғи тақчиллиги туфайли барча мактаблар ёпилди.
Ҳукумат “ёқилғи тақчиллиги ва транспорт муаммолари туфайли” давлат хизматчиларига вақтинча ишга келмасликни тавсия қилди.
16-май куни Шри-Ланка бош вазири Ранил Викремесингхе мамлакатда бир кунга етарли миқдорда бензин қолганини айтди. Мамлакатда минглаб автомашиналар ёқилғи қуйиш шохобчаларида бир неча кундан бери навбатда турибди.
Аввалроқ Шри-Ланка ташқи қарзи бўйича ўз вазифаларини бажара олмагани учун мамлакатда дефолт эълон қилган эди.