Камеруннинг Ғарбий ва қирғоқбўйи ҳудудларида илк бор авж олган вабо эпидемияси 140 кишининг ҳаётига зомин бўлиб, беморлар сони 7000 кишидан ошди .
Камеруннинг Бош вазири Жозеф Дион Нгуте октабрь ойидан бери давом этаётган вабога 7287 киши чалиниб, эпидемиядан 140 киши вафот этганини айтди.
Мамлакатнинг иқтисодий пойтахти Дуалада ва Жануби-Ғарбий ҳудудида беморларнинг кўпайиши давом этаётганини таъкидлаган Нгуте март ойида бошланган эмлаш кампаниясининг давом этишини айтди.
«Вибрио» бактерияси келтириб чиқарадиган озиқ-овқат ва сув орқали юқадиган вабо оғир диарея ва сувсизланишни келтириб чиқаради. Агар даволанмаса, касаллик ўлимга олиб келиши мумкин.
Камерунда тоза сувнинг етишмаслиги ва тиббий муолажанининг вақтида бўлмаслиги, касаллик ва ўлим хавфини оширмоқда.
Мамлакатда иситма, полиомиелит, тиф ва чечак каби эпидемиялар кенг тарқалмоқда.