Бошқа мавзуларДушанба куни Канада ҳукумати қуролларни назорат қилиш учун ўқотар қуролларни сотиш ва сотиб олишни тақиқловчи қонун лойиҳасини тақдим этди. Бош вазир Жастин Трюдо Техасдаги мактабда 20 га яқин боланинг ўлими қурол назорати муҳимлигини исботлаганини билдирди.
Ювалд шаҳридаги бошланғич мактабларнинг бирида 24-майда содир бўлган қуролли ҳужум оқибатида 19 ўқувчи ва икки ўқитувчи ҳалок бўлган. Камида 15 киши жароҳатланган. Полиция отишмада гумон қилинган 18 ёшли Сальвадор Рамосни отиб ўлдирган.
Трюдонинг сўзларига кўра, қурол контрабандаси учун жазони кучайтириш кўриб чиқилмоқда. Тўппончадан отиш каби спорт турлари билан шуғулланувчи мутахассислар ва хавфсизлик хизмати ходимлари учун енгилликлар берилмоқчи.
Қонун лойиҳасида, ўйинчоқ қуролларни тақиқлаш, уйдаги зўравонликда айбланаётганларнинг қуролига лицензия бермаслик таклиф қилинган.
Канадада икки йил аввал содир этилган қуролли ҳужумдан кейин мингдан ортиқ қурол намуналари тақиқланган эди. Маълумотларга кўра, айрим фуқаролар бу қарорга суд орқали эътироз билдирмоқда.
