Дунё аҳолисининг сони ноябрда 8 миллиардга етади.
Бирлашган Миллатлар Ташкилотининг Иқтисодий ва ижтимоий масалалар департаменти томонидан эълон қилинган «Дунё аҳолисининг келажаги 2022» ҳисоботига кўра, 2022-йилнинг 15-ноябрида дунё аҳолисининг сони 8 миллиардга етади.
Ҳисоботда дунё аҳолиси 2030-йилда 8,5 миллиардга, 2050-йилда 9,7 миллиардга, 2080-йилда 10,4 миллиардга етиши ва 2100-йилгача бу даражада қолиши таҳмин қилинди.
Ҳисоботдаги маълумотга кўра, мамлакатларнинг ўртача ёши 19 дан (Сахаранинг жанубидаги Африка) 42 ёш (Европа ва Шимолий Америка) орасида ўзгариб туради.
Шунингдек, 2019-йилда дунё бўйлаб ўртача умр кўриш 72,8 ёшга етиб, бу 1990-йилга нисбатан қарийб 9 йилга яхшилангани қайд этилди.
2050-йилга келиб, Африка қитъасида бутун дунё ёшларининг учдан бир қисми (15-24) яшайди, деб тахмин қилинмоқда.