Бошқа мавзулар
Қирғизистоннинг «Эйр Манас» авиакомпанияси 23 декабрь куни «Бишкек – Тошкент – Бишкек» доимий авиарейсини йўлга қўйди.
Ҳозирги кунда шаҳарлар ўртасидаги авиарейсларни фақатгина Ўзбекистоннинг Uzbekistan Airways компанияси амалга оширмоқда.
Транспорт вазирлигининг хабар қилишича, шунингдек “Ўш-Ташкент-Ўш” йўналишидаги авиарейслар ҳам тикланади.
13 декабрь куни Ўзбекистон президенти Шавкат Мирзиёев Қирғизистон президенти Сооронбай Жээнбеков билан учрашуви давомида улар транспорт алоқаси йўли ҳақида келишиб олганликларини айтди.
Унинг таъкидлашича, тарафлар нафақат «Бишкек – Тошкент», балки «Тошкент – Ўш» йўналиши бўйича автобус қатновлари ва авиарейсларни очиш ҳақида келишиб олдилар. “Жуда катта эҳтиёж мавжуд. Биз «Бишкек – Тошкент» йўналишидаги авиарейслар сонини ҳам икки баравар оширмоқчимиз. Бунга эҳтиёж бор”, – деди Мирзиёев.
