Тошкент суди қийноқларни кўрган гувоҳларнинг чиқишига қаршилик қилди

Тошкент шаҳар судьяси Сарвар Каримов судланаётган диндорларнинг қийноққа тутилгани борасида кўрсатма беришни истаган гувоҳларнинг кўрсатмасини тинглашни рад қилди. Адвокатлар дастлабки тергов давомида тезкор ходимлар томонидан қийноқлар қўлланилгани исботланса судланувчилар суд залидан озод қилиниши кераклигини айтмоқда.

Жиноят ишлари бўйича Тошкент шаҳар судида 5 нафар диндор устидан маҳкама давом этмоқда. Улар “Ҳизбут таҳрир” фирқасига аъзоликда айбланмоқда. Судланувчиларнинг барчаси уларга нисбатан қўйилган айблар туҳматлиги ва дастлабки тергов вақтида даҳшатли қийноқлар ва таҳқирлашлар остидан айблов хулосасига қўл қўйиб берганини айтишган.

Судланувчиларга нисбатан Тошкент шаҳар ИИББ тезкор ходимлари дастлабки тергов вақтида қийноқ қўллаганлигини тасдиқлаш учун 3 киши гувоҳлик беришни истаган.

“Судья Сарвар Каримовнинг судни олиб боришидаги нохолисликларидан шикоят қилиб Тошкент шаҳар судига ёзган эдик. Бу шикоят нимагадир Каримовнинг қўлига келиб тушибди. Унда барча қариндошлар қўл қўйганди. Шулардан бири гувоҳлик бераман деб судга кирмаётган Азиза Узоқова ҳам бор эди. Биз қонунни билмаганимиз учун Азизани ҳам қўл қўйдирган эканмиз. Судья ўзининг устидан ёзилган шикоятга қараб, мана бу ерда Азиза Узоқованинг судда иштирок этаётганини билиш мумкин, ишдан хабардор одамни гувоҳликка ололмайман, деб айтди”, дейди суддаги тингловчилардан бири Дилдора Аъзамова.

Сарвар Каримов 2017 йилнинг 16 ноябрида судланувчилар билан бирга ушланган ва биргаликда қийноққа тутилгани айтилаётган Оятулла Усмонов ва Насрулло Аъзамовларни ҳам гувоҳ сифатида иштирок этиш илтимосномасини рад қилган.

“Булар судланувчиларга қариндош экан. Нимани ҳам гапирарди. Яна қийноқлар ҳақида гапиради. Уни судланувчилар кўрсатмаларида айтишди. Батта нарсани такрорлашга ҳожат йўқ. Ўша кўрсатмалардан суд хулоса чиқариб олади, деб судья Сарвар Каримов уларнинг гувоҳликларини ҳам рад қилди”, дейди Дилдора Аъзамова.

Судланувчиларни ҳимоя қилаётган адвокатлар судьянинг ушбу қароридан норози бўлган.

Уларга кўра, ҳимоясидагиларга нисбатан дастлабки терговда қийноқ қўлланилгани судда исботини топса, улар суд залидан озод бўлиши керак.

Би-би-си судья Сарвар Каримов билан боғланиб унинг устидан Тошкент шаҳар судига ёзилган шикоят қандай қилиб қўлига тушиб қолганини ва қийноқлар ҳақида кўрсатма беришни истаган гувоҳларни нима сабабдан рад қилганини сўради.

“Суд очиқ бўлмоқда. Ўзингиз келиб иштирок этсангиз ортиқча савол пайдо бўлмайди. Телефон орқали изоҳ бермайман”, дейди Сарвар Каримов.

МАНБА: BBCUZBEK.COM

Бўлишинг:

Муҳаррир танлови

Петербургда калтакланган ва зўрланган ўзбекистонлик аёл шифохонадан ўғирлаб кетилди

Россиянинг Санкт-Петербург шаҳрида бир гуруҳ ўзбекистонликлар томонидан зўрлангани айтилаётган аёлни касалхонадан ўғирлашда гумон қилиниб, ўзбекистонлик икки аёл ва ...

Ҳайдовчилардан пул талаб қилиш йҳхх ходими учун пасткашлик

Бугун, 29 апрель куни ИИВ Маданият саройида Ўзбекистон Республикаси ички ишлар вазири маслаҳатчиси генерал-полковник Зокиржон Алматовнинг Тошкент шаҳар ИИББ йўл ҳаракати ...

Қозоғистон хитойга расмий нота топширди

Хитойдаги этник қозоқларнинг ҳукуматдан жабр чекаётгани ӯз тасдиғини топди. Бундан хабардор бӯлган Қозоғистон ҳукумати Хитойга расмий нота топширди. Бу ҳақида Қозоғистон ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400