Тожикистонда рашк туфайли эркак хотинини шафқатсизларча ўлдирди

Тожикистон жанубидаги Хатлон вилояти тергов идоралари Хамадони тумнида истиқомат қилувчи Арус Раззақовани шафқатсизларча ўлдирилишини тергов қилмоқда. Аёлни куни кеча Россиядан қайтиб келган эри ўлдирди.

«Қотиллик туман марказида 18 июнь куни юз берди. Арус Раззақованинг эри Фаррух Халифаев оилавий жанжал вақтида аёлга 11 марта пичоқ санчган», – дея хабар берди ўз исмини ошкор қилинишини истамаган ҳолда вилоят тергов идорасидаги манба.

Манбанинг сўзларига қараганда, жанжал эр томонидан аёлнинг хиёнат қилганликда айбловидан кейин келиб чиққан. Жиноят содир этилишидан сўнг Фаррух Халифаев ўз ҳоҳиши билан милиция ходимларига таслим бўлди. Фаррух Халифаев 42 ёшда. Сўнгги йилларда у пул топиш мақсадида Россияда юрган эди. Оилада тўрт нафар фарзанд бор.

Мазкур иш бўйича терговни Хамадони туман прокуратураси терговчилари олиб бормоқда. Фаррух Халифаевга нисбатан ТР Жиноят Кодексининг 104 “Қотиллик” моддаси бўйича жиноий иш очилди. Бу жиноят учун саккиз йилдан 15 йилгача озодликдан маҳрум қилинади.

Эслатиб ўтамиз, шу ой бошларида Душанбе шаҳрида шафқатсиз қотиллик юз берган эди. 33 ёшли Моҳира Ятимова собиқ эри Бобожон Ширинов томонидан ўлдирилган эди. Бобожон Ширинов юқори лавозимли тожик амалдорининг ўғлидир. ТР ИИВнинг маълум қилишича, «6 июнь куни шаҳар шифохонасига пичоқлаш жароҳати билан Моҳира Ятимова олиб келинган, кўп ўтмай аёл жароҳат туфайли вафот этди». Маълум бўлишича, собиқ эри жанжал вақтида хотинига 11 марта пичоқ урган ва қочиб кетган.

Бўлишинг:

Муҳаррир танлови

Энди ўзбекистондан 100 млн сўм нақд хорижий валюта олиб чиқиш мумкин

22 октябрь куни Шавкат Мирзиёев “Валютани тартибга солиш тўғрисида”ги қонуннинг янги таҳририни имзолади. Ҳужжатга кўра, эндиликда жисмоний шахслар томонидан мамлакатдан 100 ...

“мирзиёев сиёсатининг ҳиди чиқа бошладими?”

  "Тошкент шаҳри Кўҳна Чўпонота маҳалласи. Домда умуман яшаб бўлмаяпти. Чунки биринчи қаватда қўшнилар товуқлар боқишади. Ойнани очишимиз билан товуқ аҳлатининг ҳидига ...

Сердар бердимуҳамедов қадр кечаси шарафига 500 га яқин одамни афв этди

Туркманистон президенти Сердар Бердимуҳамедов 27-апрелда 514 нафар маҳкумни афв этди. Бу афв Қадр кечаси шарафига қилинганини «Ortak Turkmen» нашри ёзди. Бу ҳақдаги фармон ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400