Бошқа мавзулар
Украина мустақиллиги куни Киевда бўлиб ўтадиган ҳарбий парадда янги ракеталар мажмуаси намойиш этилади. Бу ҳақда “Южмаша” ходими Алексей Василенко “Facebook” даги саҳифасида ёзиб қолдирган.
“Defense Express” ахборот-консалтинг компанияси директори Сергей Згурецнинг маълум қилишича, ҳарбий парад вақтида “Сапсан” ракета мажмуаси, янги ҳарбий техникалар намойиш этилади. Шунингдек, Сергей Згурец мамлакат мудофаа тизимини мустаҳкамлаш мақсадида “Гром” ракета мажмуаси устида тадқиқотлар олиб борилаётганлиги ҳамда яқин йилларда ишлаб чиқариш бошланиши ҳақида маълум қилган.
Маълумот ўрнида, Украина ва Россия ўртасидаги муносабатлар ҳозирда таранг аҳволга келган. Расмий Киев Азов денгизидаги ҳудудларини миналаштириш ва Қримни қайтариб олиш бўйича ҳаракат қилмоқда.
24 август Украина мустақиллик куни ҳисобланади.
