Айни кунларда Муйноқ туманидаги қурилишлар “Ёшлар – келажагимиз” давлат дастури доирасида олиб борилмокда. Туман марказида қиймати 1 миллиард сўмлик бўлган “Ёшлар меҳнат гузари” лойиҳаси қурилмокда.
Қурилиш ишлари 27 ёшли муйноқлик ёш тадбиркор Фархад Киркбаевнинг лойиҳаси асосида олиб борилмокда. Бу лойиҳа амалга оширилса 15 нафар муйноқлик ёшлар иш билан таъминланади. Меҳнат гузарида аҳолига хизмат кўрсатиш шаҳобчаларидан ташқари туман ёшлари учун кўнгилочар майдончалар, фонтан курилиши режалаштирилган.
– “Ёшлар иттифоқи Муйноқ тумани Кенгашига туманда қуриладиган “Ёшлар меҳнат гузари”ни қуриш таклифи билан чикдим. Бизнес лойиҳамни топширдим. Лойиҳам ижобий баҳо билан қабул қилинди”-дейди лойиҳа муаллифи ёш тадбиркор Фархад Киркбаев.
Хозирда Муйноқ Қорақалпоғистон республикасининг сайёҳлик йўналиши бўйича асосий туманлардан бирига айланди. Албатта туманда олиб бориладиган бу ижобий ишлар туризмни ривожлантиришда катта аҳамиятка эга.
Муаллиф:Лаззет Есемуратова