Бошқа мавзуларБеларусь Республикаси Президенти Александр Лукашенконинг мамлакатимизга амалга ошираётган расмий ташрифи доирасида жами 19 та битим имзоланиши режалаштирилган. Шулардан иккитаси давлатлараро, 6 таси ҳукуматлараро ва 8 таси идоралараро келишувлардир.
Бу ҳақда Ўзбекистон Республикаси Президенти ҳузуридаги Стратегик ва минтақалараро тадқиқотлар институти бўлим бошлиғи Милана Базарова матбуот марказидаги чиқиши давомида маълум қилди. Мутахассиснинг таъкидлашича, муҳим битимлардан бири ҳарбий-техникавий ҳамкорликни ривожлантириш тўғрисидаги келишувдир. Бу ҳарбий маҳсулотларни ишлаб чиқариш бўйича тажриба алмашишни ўз ичига олади. Белоруссия ҳарбий маҳсулот ва қурол ишлаб чиқариш бўйича дунёнинг йигирмата энг йирик давлатларидан бири саналади. Мамлакатнинг 2017 йилда ҳарбий техника маҳсулотларини етказиб бериш кўрсаткичи бир миллиард АҚШ долларидан ошди. Қолган шартномалар соғлиқни сақлаш, туризм, қишлоқ хўжалиги, олий таълим ва бошқа соҳалардаги ҳамкорликни ривожлантиришни назарда тутади.
Манба: “Халқ сўзи”
