Ҳиндистонда 12 йилда бир маротаба гуллайдиган гул очилиб чиқди

Ҳиндистонда 12 йилда бир маротаба гуллайдиган ўсимлик гуллади, бу ҳақда ҳинд оммавий ахборот воситалари хабар тарқатмоқда.

Маълум бўлганидек, 12 йилда бир маротаба гуллайдиган  неелакуринжи – ўсимлиги Жанубий ва Ғарбий Гат тоғ тизмаларида ўсади.

Ушбу гул мавжудлигини олимлар 1838-йили кузатиб маълум қилишган. Ўша даврдан бошлаб неелакуринжи 1838, 1850, 1862, 1874, 1886, 1898, 1910, 1922, 1934, 1946, 1958, 1970, 1982, 1994 , 2006-йиллари гуллаган. Ушбу ҳудудда истиқомат қилувчи маҳаллий аҳоли ўзининг ёшини  неелакуринжининг гуллагани билан ҳисоблашади деган сўзлар айтилиб келмоқда.

Неелакуринжи – ўсимлиги сиёҳрангдаги қўнғироқ формасида гуллайди. Гуллаш мавсуми кўпинча куз фаслига тўғри келади. Гуллагандан сўнг ўсимлик уруғларини ерга сочади. Уруғлар қайта келаси йиллари ўсади. Бироқ ўсимлик ўсгани билан, 12 йил ўтгандан кейин гуллайди.