Шаҳримизда таниш-билишчилик авж олган

Мен Бобожонова Гулхаё 2012 йилдан буён Фарғона шаҳридаги 18-сонли  Истиқлол МФЙда маслаҳатчи, 2016 йилдан буён раис лавозимида ишлаб келаман.

Гарчи маҳалла раиси бўлиб ишласам-да фарзандларимни ишга жойлаштира олмай анча қийналдим. Иш сўраб турли ташкилотлар раҳбарларга мурожаат қилдим. Уларнинг иш жойларига бориб ялиниб- ёлвориб ёрдам сўрадим. Афсуски, барчаси натижасиз интиҳо топди. 1996 йилда туғилган қизим Одинахон Мўйдинова 28- умумтаълим мактабини аъло баҳоларга тамомлагандан сўнг ФарДУ қошидаги 3-сонли академик лицейга хорижий тиллар йўналиши бўйича ўқишга кириб, мазкур билим даргоҳини аъло баҳоларга тамомлади.

Ўқишни тугатганидан сўнг ФарДУга бир неча йил ўқишга кириш учун ҳаракат қилди, лекин омади келмади. Чунки оилавий шароитим туфайли қўшимча ўқишга бера олмаган эдим. Ўқишга киролмаганидан сўнг ҳудудимиздаги 28- умумтаълим мактаби директори М.Зияевнинг олдига бориб, қизимни қандай ишга бўлса ҳам ишга жойлаштиришга ёрдам сўрадим. У хўп деди, лекин мактабда бўш иш ўринлари бўла туриб турли баҳоналар билан ишга олмади.

Орадан маълум вақт ўтгандан сўнг мактабга келган янги директор  Нигорахон Маматқулова қизимни етакчи қилиб ишга олди. Мактабда қизим ишга келгунга қадар етакчини ўрни умуман сезилмаган экан. У шундай ишладики, бир йилда мактаб директорига раҳматномалар олиб берди. Ўқувчилар ҳаттоки уйимизгача келиб шуғулланадиган бўлди. Ҳар бир шаҳар ва вилоят тадбирларига катта тайёргарлик билан қатнашиб шаҳар Камолотчилари орасида ўз ўрнини топишга улгурди.

Ишлаш давомида “Камолот” жамғармаси тугатилиб ўрнига Ёшлар иттифоқи ташкил топгач, қизимни олий маълумотга эга эмас деб ишдан четлаштиришди. Сабаби бу пайтда мактабга яна ўша эски директор М.Зияев таниш-билишларини ўртага қўйиб директорлик лавозимига қайтиб келган эди. У ҳатто қизимни ишдан бўшатиш бўйича ариза ҳам ёздирмасдан унинг ўрнига танишларидан бирининг фарзандини ишга қабул қилди.

Мен она сифатида бу адолатсизликларга қарши курашиб келяпман. Аммо шаҳримизда адолатни тиклаш аллақачон энг қийин масалага айланган.

Гулҳаё Бобожонова,

“Истиқлол” МФЙ раисаси

Бўлишинг:

Муҳаррир танлови

Фермер хўжалигининг ерини ҳоким олиб қўйишга ҳақлими?

Ўтган йиллар давомида халқимиз онгида кичик бизнес ва хусусий тадбиркорлик, фермерлик деган тушунчалар шаклланди. Бу эса Конституциямизнинг 36-моддасидаги “Ҳар бир шахс ...

Пахтада бедарак йўқолган фермернинг жасади 5 кундан сўнг зовурдан топилди

Фарғона вилоятининг Сўх туманидаги Шарқобод қишлоғида яшаган Даврон Давронбеков Риштон туманидаги пахта териб юрган жойидан 11 октябрь куни бедарак йўқолганидан сўнг 5 кун ...

Ӯзбекистон республикаси президенти шавкат миромонович мирзиёевга мурожаат

Муҳтарам Шавкат Миромонович! Ҳурматли жаноб Президент! Мен Боҳодир Чориев, Бирдамлик Халқ Демократик ҳаракатининг асосчиси ва етакчисиман. (more…)


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400