Оққўрғондаги олтовлонни ариққа Зоир Мирзаев туширган. Президент Шавкат Мирзиёев уни ишдан ҳайдади

Ўзбекистон Президенти Шавкат Мирзиёев 29 октябрь куни барча даражадаги давлат ҳокимияти органлари раҳбарларининг мажбурий меҳнатнинг ҳар қандай шакл ва кўринишларига йўл қўймаслик борасидаги жавобгарлигини ошириш тўғрисида фармойиш қабул қилди. Бу ҳақда Ўзбекистон Президенти матбуот хизмати хабар бермоқда.

Ушбу фармойишга мувофиқ, ғалла экиш ва суғориш ишларини ташкил этиш жараёнида жиддий камчиликларга йўл қўйгани боис Зоир Мирзаев Ўзбекистон Бош вазирининг ўринбосари — Вазирлар Маҳкамасининг Қишлоқ ва сув хўжалиги, қишлоқ хўжалиги ва озиқ-овқат маҳсулотларини қайта ишлаш масалалари комплексининг раҳбари лавозимидан озод этилди.

 

Ҳужжатда Ўзбекистон бош прокурорига қишлоқ хўжалиги ишлари чоғида йўл қўйилган қонун бузилиш ҳолатлари юзасидан текшириш ўтказиш , Ўзбекистон бош вазирига, жойлардаги давлат ҳокимияти органлари ва хўжалик бирлашмалари раҳбарларига мажбурий меҳнатнинг барча шакл ва кўринишларига барҳам беришга қаратилган чора-тадбирларни самарали амалга ошириш бўйича топшириқлар берилган.

 

27 октябрь куни ижтимоий тармоқларда сув тўла ариқда тизза бўйи турган олти кишининг сурати тарқалган эди. Кейинроқ воқеа Тошкент вилоятининг Оққўрғон туманида юз бергани маълум бўлди. Оққўрғон тумани расмийлари суратдаги одамлар туман ҳокими ўринбосарининг панд-насиҳатлари сабаб сувга тушганини маълум қилинди  (ариқда ўша ўринбосарнинг ўзи ҳам бўлган). Исми ошкор этилмаган манбалар эса улар айнан Зоир Мирзаевнинг кўрсатмаси билан сувга тушганини таъкидлаган эди.

Манба:Daryo — LIVE

Бўлишинг:

Муҳаррир танлови

Эрондаги норозиликнинг бешинчи куни

«Эронда ижтимоий, иқтисодий аҳволларга нисбатан норозилик намойишлари бошланиб, ҳукумат бошқарувига қарши шиор билан чиққан бир қанча инсонлар вафот этган. Норозилик акцияси ...

Ехҳт ўзбекистонни баъзи оавни блоклашни тўхтатишга чақирди

ЕХҲТнинг ОАВ эркинлиги масалалари бўйича вакили Арлем Дезир Ўзбекистон ҳукуматини айрим оммавий ахборот воситаларини блоклашни тўхтатишга чақирди. Расмий мурожаат халқаро ...

Фрилансер ким-у, касаначи – ким? ким қандай солиқ тўлайди

Фрилансер, аутсорсер ва аутстаффер ким ўзи? Уларнинг ҳаммамизга маълум касаначилардан нима фарқи бор? Иқтисодиётимизга шундай хизмат кўрсатувчи ғалати номдаги субъектлар ...