Андижонда турли ёшдаги 450 бола ҳалигача туғилганлиги ҳақида гувоҳнома олмагани аниқланди

Андижон вилоятида турли ёшдаги 450 болага шу пайтгача туғилганлиги ҳақида гувоҳнома берилмагани аниқланди. Шундан 21 нафарига гувоҳнома топширилди. Бу ҳақда Давлат хизматлари агентлиги Андижон вилояти бошқармаси бош маслаҳатчиси Мансур Бобохонов “Турон24” нашрига маълум қилди.

Фото: Turon24

Бундан ташқари, шаръий никоҳ асосида яшаб келаётган 4 та оиланинг никоҳи расмийлаштирилган.

“Айни пайтда Давлат хизматлари агентлиги гувоҳномаси бўлмаган болаларни аниқлаш мақсадида республика бўйича умуммиллий бепул ижтимоий акция ўтказмоқда, – дейди Давлат хизматлари агентлиги вилоят бошқармаси бошлиғи Жамшид Раҳмонов. – Қайд этилмаган туғилиш ва қонуний расмийлаштирилмаган никоҳ бўйича бугунги кунга қадар 900 дан ортиқ мурожаат келиб тушди. Уларнинг 400 га яқини кўриб чиқилиб, гувоҳномалар топширилди. Акция 2019 йилнинг 1 июлига қадар давом этади”.

Бошқарманинг маълум қилишича, фуқаролик ҳолати далолатномаларини ёзиш органларини тизимли текшириш натижасида чекка ҳудудлардаги айрим ота-оналар турли сабабларга кўра фарзандлари учун туғилганлик тўғрисидаги гувоҳнома олмагани аниқланган. Мазкур муаммони бартараф этиш мақсадида 2018 йилнинг 12 июнида президент қарори қабул қилинган.

Қарорга биноан ҳокимлик, хотин-қизлар қўмитаси, ФҲДЁ, халқ таълими ва мактабгача таълим бўлимлари, тиббиёт бирлашмалари ҳамда бошқа манфаатдор ташкилотларнинг вакилларидан иборат махсус гуруҳлар тузилган. Улар хонадонма-хонадон юриб фуқаролик ҳолати далолатномалари қайд этилган-этилмаганини ўрганади.

 

Бўлишинг:

Муҳаррир танлови

Латвияда россияни қўллаб-қувватлаганлар фуқароликдан маҳрум бўлишади

Латвия парламенти (Сейм) Украинадаги қуролли можарода Россия ёки бошқа демократик давлатларга ҳужум қилган мамлакатлар билан террорчи ташкилотларни қўллаб-қувватлаган ...

Ўтган йили россияда 1,04 миллион киши ўз ажали билан вафот этган

Бир йилда миллиондан ортиқ одам уруш ёки бошқа офатлардан ташқари, ўз ажали билан ўлаётгани Россия тарихида биринчи марта қайд этилмоқда. Бу ҳақда Россия статистика қўмитаси ...

Нью-йоркда ўзбек миллий нонвойхонаси очилди

Ўзбекистонлик йигитлар Нью-Йоркнинг Бруклин туманида миллий нонвойхона очишди.  Нонвой Нью-Йорк аҳлига салом йўллар экан, тандирдан энди узилган Тошкент кесма патирини ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400