Бошқа мавзуларҚирғизистонда рус тилини расмий мақомини олиб ташлаш бўйича референдум ўтказишни таклиф қилинмоқда. Бу жамоавий сиёсий ва ватанпарвар кучларининг қурултойини бажариш қўмитасининг конститутициявий реформа учун тайёрланган қонун лойиҳасида ёзилаган етти таклифдан биридир.
15-январда Бишкекда ўтган мажлисда жамоавий сиёсий ва ватанпарвар кучларининг вакили Азимбек Бекназаров рус тилига бағишланган масалага мана бундай изоҳ берди.:
– Рус тили бизга зарур. Аммо халқаро тил мақоми билан зарур. Чет давлатга чиққанда қўлланишимиз зарур. Боғчалардан бошлаб инглиз тили билан бир қаторда ўқитилиши зарур. Мақоми – Бирлашган Миллатлар Ташкилотининг тили – инглиз тили сингари халқаро тил бўлиши зарур. Давлат тили –қирғиз тили бўлмоғи керак. Иш қоғозларининг барчаси қирғиз тилида юргизилиб, амалдорлар қирғиз тилида фаолият олиб бориши керак. Бундай қилмасак қирғизлар тарқалиб кетамиз.
Қирғизистондаги бир қатор жамоавий-сиёсий ва ватанпарвар кучлар конституциявий реформа ўтказиш бўйича қонун лойиҳасини тайёрлади. Референдум ўтказишни жорий йилнинг 24-ноябрига тайёрлов режалаштирилган.
Етти савол ичида Конституцияни янгилаш, давлат бошқарув формасини танлаш, Жогорку Кенешнинг(парламент)нинг депутатларини сайлаш тизимини танлаш, ҳудудий реформа сингари масалаларни ўз ичиган олган.
Қирғизистонда рус тили расмий мақомга эга. Шаҳарларда ҳизмат кўрсатиш жойларида, кўп иш-қоғозлари рус тилида юргизилгани сабабли, аҳоли орасида бир қатор норозичиликларни келтириб чиқармоқда, деб ёзмоқда “azattyk” сайти.
