МИБга ишга киритишни ваъда қилган МИБ ходими қўлга олинди

Ўзбекистон Республикаси Бош прокуратураси ҳузуридаги Мажбурий ижро бюроси Жомбой туман бўлими энергия ресурслари ва сувдан фойдаланиш тартибини назорат қилиш шўъбаси давлат инспектори вазифасида ишлаб келаётган С.Н. МИБга ишга киритиб қўйишни ваъда қилиб, 1000 доллар талаб қилганида қўлга олинди ва суд қилинди. Бу ҳақда “7news.uz” сайти ёзмоқда.

У Самарқанд шаҳрида истиқомат қилувчи Ш.Б. билан гаплашиб қолиб, уни 1000 АҚШ доллари эвазига Бюро органларига ваколатли шахслар орқали ишга киритиб қўйишни ваъда қилади.

С.Н. Мажбурий ижро бюроси Самарқанд вилоят бошқармаси тизимига ишга қабул қилиш масаласини бошқарма мансабдор шахслар орқали ҳал қилиб бериши эвазига Ш.Б. дан 1000 долларни Жомбой тумани «Самарқанд» маҳалласида жойлашган автомобилларни ювиш шохобчасида фирибгарлик йўли билан олаётган вақтида тезкор-тадбир иштирокчилари томонидан ашёвий далиллар билан ушланади ва тегишли тартибда ҳужжатлар расмийлаштирилади.

Судья Ф.Худойбердиев раислигида ўтказилган Жиноят ишлари бўйича Булунғур туман судининг очиқ суд мажлисида С.Н. айбига тўлиқ иқрорлигини билдириб, ҳақиқатдан ҳам у Ш.Б. билан Самарқанд қишлоқ хўжалик институтида талабалик давридан буён танишлигини, Бюро органларига ишга киришида амалий ёрдам бера оладиган танишлари йўқлигини, ушбу ҳақида Ш.Б.га ёлғон гапирганини, ўзини худди Бюро органларига ишга киритишда амалий ёрдам бера оладиган таниши бордек кўрсатганини гапириб берган.

Судланувчи С.Н. содир қилган ишидан чин кўнгилдан пушаймонлигини айтган ва суддан қонуний енгиллик беришни сўраган.

Суд Ўзбекистон Республикаси Жиноят кодексининг тегишли моддаларига асосан, С.Н.га узил-кесил 3 йил муддатга муайян ҳуқуқдан — давлат иштирокидаги ташкилот, муассаса, корхоналарда моддий ва мансабдорлик лавозимларида ҳамда Мажбурий ижро бюроларида ишлаш ҳуқуқидан маҳрум этиб, 3 йил муддатга озодликни чеклаш жазоси тайинлади.

 

Бўлишинг:

Муҳаррир танлови

Теҳронда аёлларни дресс-кодни бузганлик учун қамоққа олишмайди

Эрон пойтахти Теҳронда полиция бундан буён аёлларни исломий кийим кодини бузганлиги учун қамоққа олмайди, бунинг ўрнига уларни маслаҳат марказларига машғулотга жўнатади. ...

Менинг исмим хон, мен террорчи эмасман…ёки нурсултон назарбоевга мактуб!

Нархларнинг озгина тафаввути боис хамрохларим билан Тошкентдан эмас, қўшни Қозоғистоннинг Чимкентидан Остона, ундан Дубайга учадиган бўлдик. Айни саёҳат мавсуми бўлгани боис ...

Аудио дастур: ўзбек блоггери рус журналистини нега “шумқадам” деди

Умар Туркистонлининг "Шумқадам" блогини бу ердан ўқишингиз мумкин.