Тошкент дунёдаги энг арзон шаҳарлар учлигига кирди

Иқтисодий прогнозлашга ихтисослашган The Economist Intelligence Unit тадқиқот компанияси 2019 йилда истиқомат қилиш учун энг қиммат шаҳарлар рўйхатини аниқлади. Тадқиқот 30 йилдан бери ҳар йили олиб борилади. Бу ҳақда Spotга таяниб Кун.уз  ёзмоқда.

Таҳлилчилар дунёдаги 133та шаҳарда нон ва биринчи эҳтиёж бўйича бошқа товарлар нархини таққослашди. Қиёсий таҳлилда Нью-Йоркда истиқомат қилиш нархи асос қилиб олинди, у жами 100 баллни ташкил этган.

Дастлабки учта ўринни бир вақтнинг ўзида учта шаҳар эгаллади – Париж, Гонконг ва Сингапур. Умуман олганда, дунёдаги энг қиммат шаҳарлар ўнталиги қуйидагича кўринишга эга:

  • 1. Сингапур (Сингапур)
    • 1. Париж (Франция)
    • 1. Гонконг (Хитой)
    • 4. Цюрих (Швейцария)
    • 5. Женева (Швейцария)
    • 5. Осака (Япония)
    • 7. Сеул (Жанубий Корея)
    • 7. Копенгаген (Дания)
    • 7. Нью-Йорк (АҚШ)
    • 10. Тель-Авив (Исроил)
    • 10. Лос-Анджелес (АҚШ)

Таҳлилчиларнинг таъкидлашича, ҳаёт, одатда, энг қулай ва хавфсиз бўлган шаҳарларда қимматдир. Бу рўйхатдаги деярли барча шаҳар дунёда яшаш учун энг яхши жойлар рейтингига киритилган.

Аксинча, имкониятлар кам, сиёсат ёки иқтисодиёт билан муаммолар кузатилувчи жойларда истиқомат қилиш нисбатан арзон. Хусусан, Каракас (Венесуэла), Дамашқ (Сурия) ва Тошкент дунёдаги энг арзон шаҳарларга айланди.

Умуман олганда, дунёдаги энг арзон шаҳарлар рўйхати қуйидагича кўринишга эга:

  • 1. Каракас (Венесуэла)
    • 2. Дамашқ (Сурия)
    • 3. Тошкент (Ўзбекистон)
    • 4. Олмаота (Қозоғистон)
    • 5. Бангалор (Ҳиндистон)
    • 6. Карачи (Покистон)
    • 6. Лагос (Нигерия)
    • 7. Буэнос-Айрес (Аргентина)
    • 7. Ченнай (Ҳиндистон)
    • 8. Нью-Деҳли (Ҳиндистон)

 

Бўлишинг:

Муҳаррир танлови

Ўзбекистон: ўзгаришлар иллюзияси ва инвесторлар учун хатарлар – фарғона вилояти мисолида

Аарон Бергман Суратда – Фарғона вилояти ҳокими Шуҳрат Ғаниев “Ўзбекистонда илоҳотлар бошланди”, - дея мамлакат оммавий ахборот воситалари жар солмоқда, уларга Россия матбуоти ...

Вақт ҳамда пулнинг қадрига етадиганлар учун: янги онлайн-бозор «abad.uz»ни кутиб олинг

Бутун ёз фасли давомида Тошкент кўчаларига илиб чиқилган турфа рангли баннерлар ва турли ўлчамдаги плакатлар пойтахт аҳолисига биргина сирли сўз — аbad’ни тақдим этди, унинг ...

Қозоғистонлик ишлаб чиқарувчилар “шакар импорти чекланишидан” ташвишга тушмоқда

Қозоғистон Кондитерлар ассоциацияси ва Алкоголсиз ичимлик ишлаб чиқарувчилар Ассоциацияси баёнот бериб, Евроосиё Иқтисодий Иттифоқ ҳудудларига шакар олиб кирилишини чеклаш ...