Биринчи чоракда Ўзбекистонга 1,4 миллион сайёҳ келди

Туризм саноати Ўзбекистон иқтисодиётидаги асосий йўналишлардан бирига айланмоқда. 2019 йилнинг биринчи чорагида янги туристик ташкилотларнинг сони 111 тага кўпайди. Бу ҳақда Миллий матбуот марказида ташкил этилган «Ўзбекистон — сайёҳлик бизнеси учун янги имкониятлар» мавзусидаги матбуот анжуманида маълум қилинди, дейилади ЎзА хабарида.

2018 йилда 2017 йилга нисбатан Ўзбекистонга ташриф буюрган хорижий сайёҳлар сони икки баравар кўпайди. 2017 йилда Ўзбекистонга келган хорижий фуқаролар сони 2,7 миллион кишини ташкил этган бўлса, 2018 йилда уларнинг умумий сони 5,3 миллион кишидан ошди.

Узоқ чет мамлакатлардан келаётган сайёҳларнинг энг кўп ўсиши АҚШда кузатилган. Бу давлатдан Ўзбекистонга келган фуқароларнинг сони 8 баравар ошди. Бундан ташқари, Жануби-Шарқий Осиёдаги аҳолининг Ўзбекистонга бўлган қизиқиши юқори.

2019 йилнинг биринчи чорагида Ўзбекистонга 1,4 миллионга яқин сайёҳ келган. Ўсиш суръатлари ўтган йилнинг шу даврига нисбатан 972,3 минг кишига ортган.

Ушбу тенденциялар ва миқдорий кўрсаткичлар туризм инфратузилмаси объектларининг ривожланишига ҳам таъсир кўрсатмоқда. Мисол учун, биринчи чоракда янги 40 та турар жой объекти фойдаланишга топширилди.

Бўлишинг:

Муҳаррир танлови

Ўзбек миллий мақом санъати маркази ташкил этилади

Ўзбек миллий мақом санъати маркази ташкил этилади. Бу ҳақда 2017 йил 17 ноябрь куни эълон қилинган “Ўзбек миллий мақом санъатини янада ривожлантириш чора-тадбирлари ...

Огоҳ бўлсак, одамлар, ёхуд гувоҳнинг хикояси

Ҳаётда кўплаб муаммоларимиз бефарқлигимиздан бошланади. Қорақалпоғистон пойтахти Нукус шаҳри буюм бозори олдида йўналиш машиналари тураргоҳида  икки йигит каттиқ тортишарди. ...

Ўзбекистон халқ артисти ортиқ отажонов вафот этди

17 май куни Ўзбекистон халқ артисти Ортиқ Отажонов 72 ёшида вафот этди. Жаноза маросими бугун аср намозидан кейин бўлиб ўтади ва Ўрикзор даҳасидаги Саид Ваққос Ота ...