МИБ «Бунёдкор» эшикларини муҳрлаб кетди. Клуб ҳисоб рақами «музлатилиши» мумкин

 «Бунёдкор» футбол клуби эшикларини МИБ муҳрлаб кетди. Айни вақтда офисда иш тўхтаган. Бунга «Бунёдкор»нинг собиқ мураббийи Сергей Лушчандан қарздорлиги сабаб бўлган.

Бу ҳақда ПФЛ ходими Диёр Имомхўжаев ўз каналида шундай дейди:

«Сергей Лушчан қарздорлиги бўйича аввал ёзгандим. Мураббий ЎФА қўмиталарини четлаб ўтиб, давлат органларига мурожаат қилгани учун, «Бунёдкор»нинг ундан қолиб келаётган қарздорлик масаласи ЎФА томонидан ўчирилганди.

Сабаби оддий. Биринчидан, ФИФА низомларига кўра ишнинг кўрилиш кетма-кетлиги ЎФА, ФИФА, Спорт арбитраж ва ҳоказо бўлиши керак. Иккинчидан, суд ёки прокуратура каби органлар нодавлат-нотижорат ташкилот ҳисобланмиш ЎФАдан юқори туради, демак, уларнинг қарори бўйича иш кўрилади.

Аслида Лушчан «Бунёдкор» футбол клубидан 800 миллион сўм даъво қилган бўлса-да, иш судда кўриб чиқилганидан сўнг қарздорлик 350 миллион сўм экани аниқланди ва қарор чиқарилди. Кейин эса клуб олдига муҳлат берилган. Кеча мана шу муҳлат ўз якунига етди ва «Бунёдкор» пулни тўлай олмади. Оқибатда Лушчаннинг адвокати гувоҳлигида «Бунёдкор» офисидаги барча хоналар МИБ иштирокида муҳрланди, айни вақтда клубда фаолият олиб бориш имконияти мавжуд эмас. Катта эҳтимол билан жамоанинг ҳисоб рақами ҳам «музлатилади».

Ички аудит текшируви, давлат корхонаси томонидан берилаётган маблағ қандай ишлатилаётгани назорат қилиб борилмаганининг оқибати бу. Шунинг учун ҳам ОФК йилда икки марта аудит текширувини талаб қилади.

Лушчан қайси йилларда жамоада ишлагани, ўша вақтларда нималар бўлгани масаласидан текширув зарур. Айни вақтдаги раҳбарият эса ўша ишлар учун бадал тўлаяпти».


Манба:Хабар.уз

Бўлишинг:

Муҳаррир танлови

Европа иттифоқи гуманитар инқироз туфайли афғонистон билан муносабатларни тиклади

Европа Иттифоқи беш ойлик танаффусдан сўнг Афғонистондаги очарчилик туфайли алоқаларни қайта тиклаганини эълон қилди. Ташкилотнинг раҳбарияти бу Кобул бошчилигидаги Толибон ...

“метро қурилиши тўхтаб қолган, яшовчилар эса ҳамон қийналмоқда”

  "Юнусобод туманидаги метро қурилиши анчадан буён тўхтаб қолган. Йўллар тирбанд. Қоровул ухлаб ётибди. 2019 йилда тугатилиши керак бўлган лойиҳа қанчагача чўзилади? ...

Ўзбекистон e-visaга ҳали ҳам тайёр эмас

Ўзбекистон расмийлари 2018 йил бошида 1 июлдан Ўзбекистонга боришни хоҳлаган хорижий сайёҳлар учун электрон виза жорий этилиши ҳақида эълон қилган эдилар. Ҳозирга келиб эса ...