«Бунёдкор» яна жар ёқасида. Клуб автобуси олиб қўйилган, ҳисоб рақами ҳам «музлатилган»

Суперлига турнир жадвалида 4-ўринда бораётган Тошкентнинг «Бунёдкор» клуби яна қийин ҳолатда қолди. Tribuna.uz’нинг маълум қилишича, клубнинг ҳисоб рақами «музлатилган», автобуси олиб қўйилган ва «Бунёдкор» стадионидаги клубга тегишли бўлган хоналар МИБ ходимлари иштирокида муҳрланган.

Клуб собиқ мураббийи Сергей Лушчан олдидаги қарзидан 30 апрелгача қутулиши керак бўлган ва бунинг уддасидан чиқа олмаганидан сўнг юқоридаги воқеалар содир бўлган. Tribuna.uz «Бунёдкор» академияси тарбияланувчилари қишдан буён совуқ сувда ювинаётгани ҳақида суриштирув тайёрлаган ва суриштирув давомида клуб расмийлари «Бунёдкор» академияси ўрнида ЎФА қошидаги Республика болалар-ўсмирлар мактаби кўчиб келмоқчи эканини айтишганди.

Tribuna.uz мухбири бу борада ЎФА вице-президенти Умид Аҳмаджонов билан ҳам боғланган ва Аҳмаджонов «Бунёдкор» академияси кўчирилиши ҳақидаги хабарларни рад этганди. Суриштирувдан сўнг «Бунёдкор» стадиони дирекцияси вакиллари Tribuna.uz’га алоқага чиқиб, академиядаги узилишлар техник носозлик ва коммунал қарздорлик сабаб бўлаётганини, ҳомий пул ўтказмаётганини боис қўриқлаш хизмати ходимлари бир ойлаб қуруқ нон еб ишлаганини ачиниш билан маълум қилганди.

Бўлишинг:

Муҳаррир танлови

Шуҳрат аббосов

АББОСОВ  Шуҳрат  Солиҳович  (1931. 16.1, Қўқон) — ўзбек  режиссёри.  Ўзбекистонда  хизмат  кўрсатган  санъат  арбоби (1965). Ўзбекистон  халқ  артисти (1974). Тошкент  ...

Бош прокуратура: “шаршара” колбаса цехида эшак гўшти ишлатилган

Ўзбекистон Бош прокуратураси Тошкентдаги “Шаршара” колбаса цехига Хоразмдан 69,6 кило эшак гўшти олиб келинганини расман таcдиқлади. Прокуратурага кўра, эшак гўшти колбаса ...