Бошқа мавзуларЎзбекистоннинг Сеулдаги элчихонаси берган маълумотларга кўра, 29 май куни Ўзбекистон фуқароси Алишер Жовлиев қурилаётган бинонинг юқори қаватидан тушиб кетган ва оғир аҳволда Кангвон университети касалхонасига олиб борилган.
Жабрланувчи Жанубий Кореяга 20 май куни Чунчон шаҳридаги Кёнгин университетининг тил ўрганиш курсида ўқиш учун келган ва пул ишлаш мақсадида жисмоний меҳнат билан шуғулланган.
Дипломатик ваколатхона вазиятни назоратга олган, иш берувчи ва Ўзбекистон фуқароси даволанаётган касалхона раҳбарияти билан алоқа ўрнатган. Иш берувчи ташкилот ташкилий масалаларни ҳал қилиш ва даволаниш билан боғлиқ харажатларни қоплашга тайёрлигини билдирган.
“Жанубий Кореянинг тегишли хизматлари томонидан текширув ишлари олиб борилмоқда”, — дейилади Ўзбекистон Ташқи ишлар вазирлиги ахборотида.
