2020 йилда мактаб ўқитувчиларининг ойлиги ошади

Президент Шавкат Мирзиёев 2020 йилда мактаб ўқитувчиларининг ойлигини оширишни топширган. Давлат раҳбари 23 август куни ўтган йиғилишда Вазирлар Маҳкамаси, Молия ва Халқ таълими вазирликларига шу вазифани юклаган.

Шунингдек, узоқ қишлоқлардаги мактабларга  ўқитувчиларни жалб этишни янада рағбатлантириш учун уларга уй-жойлар, машиналар учун кредитлар ҳам берилади. Лекин ҳозиргача автокредит бўйича бир қарорга келингани йўқ.

“Мактаб бу ҳаёт-мамот масаласи, келажак масаласи. Уни давлат, ҳукумат ва ҳокимларнинг ўзи ҳал қилолмайди. Бу бутун жамиятнинг иши, бурчига айланиши керак. Мактаб ўқитувчисини моддий рағбатлантирмасак, унинг ҳаёт сифати даражасини оширмасак, ислоҳот, натижа ҳақида гапира олмаймиз”, деган президент.

Давлат раҳбари ўқитувчи ва мураббийларнинг ўзи ҳам билим ва савиясини ошириши, жамоат ишларида фаол  иштирок этиши, ҳалол меҳнати ва ташаббускорлиги билан бу касбнинг обрўсини ошириши кераклигига ҳам урғу берган.

“Ҳурматли муаллимларимиз, жонкуяр мактаб директорларини, соҳа фахрийларини эл-юртимизнинг таянчи ва суянчи, деб биламиз, – деган Президентимиз. – Мактаблар тизимини ривожлантириш учун бундан буён ҳам маблағни, имкониятни асло аямаймиз. Келажак авлодимиз тақдири, бутун миллатимиз, халқимиз, давлатимиз тақдири муҳтарам муаллимларга боғлиқ”.

Бўлишинг:

Муҳаррир танлови

Президентдан сиёсий маҳбусларни озод этишни талаб қилишмоқда

Мисрлик сиёсатчилар ва журналистлар президент Абдулфаттоҳ Сисийни мамлакатдаги барча сиёсий маҳбусларни озод этишга чақирди. Бу ҳақда “Азон.уз” ёзмоқда. “Биз президентдан ...

Бемаъни ўлим топган адвокат

Америкалик адвокат Клемент Валландигэм 1871 йилда навбатдаги суд жараёнларидан бирида ҳимояда иштирок этади. Иллюстратив фото Судда бардаги кичик жанжалнинг ўлим ҳолатига ...

Жамоат жойларида тамаки чекиш тақиқланди

Тожикистонда 2018 йилнинг 2 январидан бошлаб жамоат жойларида тамаки (сигарет) чекиш таъқиқланди. Бу амал Тожикистон Республикасининг 2 январ куни мамлакат президенти ...