6 сентябрь куни Туркистон вилоятининг Сариағаш туманидаги қурилиш майдонида Ўзбекистон фуқароси А.Б. баландликдан қулаб тушган ва вафот этган. Бу ҳақда Ўзбекистоннинг Олмаота шаҳридаги Бош консулхонаси берган маълумотга таяниб ТИВ матбуот хизмати хабар қилди.
“Бош консулхона вазиятни назоратга олган ва маҳаллий ҳуқуқни муҳофаза қилувчи органлар билан тезкор алоқа ўрнатган ҳамда марҳумнинг жасадини ватанга жўнатиш бўйича консуллик-ҳуқуқий ва ташкилий масалаларни ҳал қилиш билан шуғулланмоқда”, дейилади хабарда.