5 октябр куни чамаси соат 08:30 атрофида Сурхондарё вилояти, Музработ туманида мудҳиш жиноят содир этилган.
Бош прокуратура хабарига кўра, тумандаги 23-умумтаълим мактабида фуқаро Б.Ю. (1982 й.т., ишсиз) турмуш ўртоғи билан ўзаро жанжаллашиши натижасида ошхона пичоғи билан аёлининг қорин соҳасига бир маротаба урган.
Уларни ажратмоқчи бўлган мактаб директорини ҳам танасининг турли қисмларига уч маротаба пичоқ билан жароҳат етказган. Айбланувчи уларни қасддан ўлдиришга ҳаракат қилган.
Мазкур ҳолат юзасидан шу куни туман прокуратураси томонидан Б.Ю.га нисбатан ЖКнинг 25, 97-моддаси 1-қисми билан жиноят иши қўзғатилган ва процессуал тартибда қўлга олинган. Ҳозирда мазкур ҳолат юзасидан тергов ҳаракатлари олиб борилмокда.