Данғара тумани ҳокими Саидмурод Аминжонов зўравон бўлиб чиқди

 Фарғона — Данғара тумани ҳокими Саидмурод Аминжонов ҳар душанба йиғилиш ўтказиб, гапни таълим ходимларини камситиш ва ҳақорат қилишдан бошлайди.

Бу ҳақда Халқ таълими вазирлигига қарашли «Маърифат» газетасининг онлайн нашри вазирликка асосланиб хабар берган.

Маълум бўлишича, вазирлик вакиллари туман халқ таълими бўлими мудири Алимардон Содиқов билан суҳбат қилган. Суҳбатда йиғилишларда ҳоким мунтазам равишда уни камситиб, ҳақоратлагани, «мудирлик сенга қолгани йўқ» деб сўкиб ҳайдагани айтилган.

Шу сабабли у 24 сентябрь куни вилоят халқ таълими бошқармаси бошлиғи М.Турдиматов ҳузурига бориб, эгаллаб турган лавозимидан ўз хоҳишига кўра озод этишни сўраган. Ўша кундан бошлаб А.Содиқов ишга чиқмаган.

Ўша кунлари Фарғона вилояти ҳокими йиғилишига кетаётганда мактаб директор ўринбосарлари аварияга учраб, ҳалок бўлишганди. Ички ишлар вазирлиги кейинчалик уларнинг йиғилишга эмас, ўз юмуши билан йўлга чиққанини иддао қилганди.

Ходимлари ЙТҲга учраганини эшитиб, ХТБ мудири зудлик билан воқеа жойига етиб борган. У мактаб директорлари дафн маросимларида қатнашган ва ходимларнинг Фарғона шаҳрига боришлари юзасидан топшириқ берган туман ҳокимлиги мутасаддилари воқеа жойига келишмаганини маълум қилган.

Яқиндагина Миришкор (Қашқадарё) ҳокими бир фуқарони роса ҳақорат қилганди. Кейинчалик у ҳаммадан узр сўраган бўлса-да, прокуратура ушбу ҳолатни текшираётгани айтилганди.

Манба:Телеграмдаги Zed News канали

Бўлишинг:

Муҳаррир танлови

«зотдор қизга уйланаман, пиёда юриш жонга тегди» ёхуд президент номини эрмак қилманг!

Сарлавҳани сўнгги пайтларда бойларнинг қизига уйланишни орзу қилган “куёвчак”лар билан боғламанг, гап яна ўша учизаклар ва уларга берилаётган “Кобальт”лар ҳақида. Оддий ...

Хотин-қизларни ҳимоя қилиши керак бўлган қўмита раҳбари ишни уларни ҳақорат қилишдан бошлади

Хотин-қизларнинг ҳуқуқ ва манфаатларини ҳимоя қилиши керак бўлган қўмитанинг янги раиси Элмира Боситхонова ишини хотин-қизларни (деярли) ҳақорат қилишдан бошлади. Элмира ...

Меҳмонлар дивизияси ёхуд бир кеча минг кеча эмас

Фото: «Tafsilot.uz» Шаҳарда яшасанг зўр-да, сира зерикмайсан. Гап кинотеатр, музейларнинг мавжудлигида эмас, йўқ. Уйингда ҳам зерикмайсан. Уйинг гавжум бўлгач, қаёқдан ҳам ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400